Դրամը դոլարի նկատմամբ դանդաղորեն արժեզրկվում է` արժեվորվելով եվրոյի նկատմամբ

Արմինֆո. Հայաստանի արտարժույթի միջբանկային շուկայում փետրվարի 5-9-ը նախորդ շաբաթվա համեմատ ծավալը կրճատվել է 13,1%-ով` նախորդ շաբաթվա 38,1% անկումից հետո:

Ընդ որում` շաբաթվա ընթացքում ամեն օր գործարքներ են կատարվել, սակայն առավելագույն ծավալով աչքի են ընկել երկուշաբթին և հինգշաբթին: Դրան զուգընթաց, արտարժույթի ներբանկային շուկայում խաղացողներն առավելապես աշխուժացրել են դոլարի գնման գործարքները` նվազեցնելով հետաքրքրությունը դրա վաճառքի նկատմամբ, ինչին զուգընթաց դիտվում է եվրոյով գործաքների անկում և ռուբլով գործարքների տարբեր ուղղվածության միտում` վաճառքի կտրուկ վերելքով: Արտարժույթի բորսայական հարթակը դատարկ է մնում:

Արդյունքում, հաշվետու շաբաթվա ընթացքում դրամը դոլարի նկատմամբ արժեզրկվել է 481,5-ից մինչև 483,5 դրամ/1դոլար, եվրոյի նկատմամբ արժեվորվելով 601,5-ից մինչև 593 դրամ/1եվրո, և ռուբլու նկատմամբ` 8,6-ից մինչև 8,4 դրամ/1ռուբլի: 2017 թվականի փետրվարի 9-ին դրամի փոխարժեքը դոլարի նկատմամբ կազմել էր 486,8 դրամ/1դոլար, եվրոյի նկատմամբ` 522 դրամ/1եվրո, իսկ ռուբլու նկատմամբ` 8,3 դրամ/1ռուբլի, ինչը ներկա փոխարժեքներիի համեմատ ցույց է տալիս եվրոյի և ռուբլու նկատմամբ դրամի տարեկան արժեզրկում` իսկ դոլարի նկատմամբ արժեվորման պայմաններում:   

Ինչպես ԱրմԻնֆո-ին հաղորել են ՀՀ կենտրոնական բանկի մամուլի ծառայությունից, փետրվարի 5-9-ը արտարժույթի միջբանկային շուկայում գործարքների ծավալները կազմել են 5.650 մլն դոլար, միջին կշռված փոխարժեքը` 482,87 դրամ/1դոլար (նախորդ շաբաթ` 480,86 դրամ/1դոլար), ընդ որում, առավելագույն ծավալներն արձանագրվել են երկուշաբթի և հինգշաբթի` 2 մլն դոլար և 1.7 մլն դոլար: Դրան զուգընթաց, արտարժույթի ներբանկային շուկայում դոլարի գնման տրենդի աճն արագացել է 11%-ից մինչև 21%, վաճառքի դինամիկայի  16,6% աճից մինչև 34,7% անկման պայմաններում, եվրոյի առք/վաճառքի դինամիկան փոխվել է  53,8-45,1% աճից 27,5-10,2% անկման, ինչի ֆոնին ռուբլու գնման անկումը դանդաղել է  30%-ից մինչև 14%, իսկ վաճառքի դինամիկան փոխվել է  17% անկումից մինչև 48,5% աճ:  Արդյունքում` գնվել է 105.3 մլն դոլար` 481,43 դրամ/1դոլար միջին փոխարժեքով, 8.7 մլն եվրո` 594,10 դրամ/1եվրո միջին փոխարժեքով և 730.6 մլն ռուբլի` 8,41 դրամ/1ռուբլի միջին փոխարժեքով, իսկ վաճառվել է 69.3 մլն դոլար` 482,98 դրամ/1դոլար միջին փոխարժեքով, 18.5 մլն եվրո` 598,65 դրամ/1եվրո միջին փոխարժեքով և 572.2 մլն ռուբլի` 8,50 դրամ/1ռուբլի միջին փոխարժեքով:

Աղբյուրի համաձայն, նախորդ շաբաթ (հունվարի 29-ից մինչև փետրվարի 3-ը) Հայաստանի բանկերը տրամադրել են 59.4 մլրդ դրամի և 86.9 մլն դոլարի վարկեր: Դրան նախորդած ժամանակահատվածի (հունվարի 22-27) համեմատ վարկերի ծավալների դինամիկան հետևյալն է. դրամային վարկերի ծավալների  31,5% անկումը փոխարինվել է 9% աճով, իսկ դոլարային վարկերի ծավալների աճը կտրուկ արագացել է` 1%-ից մինչև  53%: