Արմինֆո. Առաջիկա շաբաթների ընթացքում Հայաստան կայցելի Իրանի պատվիրակությունը, որի հետ կքննարկվի Մեղրիի ՀԷԿ-ի շինարարությունը: Փետրվարի 13-ին Երևանում կայացած մամլո ասուլիսում այս մասին հայտարարել է ՀՀ էներգետիկ ենթակառուցվածքների և բնական պաշարների փոխնախարար Հայկ Հարությունյանը, պատասխանելով ԱրմԻնֆո-ի հարցին:
Նրա խոսքերով, քննարկվելու է ոչ միայն ապագա ՀԷԿ-ի կառուցվածքը, այլ նաև ծրագրի ֆինանսավորման սխեման: «Հայկական կողմը խնդիր է դրել կառուցել այս կայարանը, դա բավականին մեծ ներդրումային ծրագիր է, որը ներառում է նոր մասնակիցների», - ընդգծել է փոխնախարարը, հույս հայտնելով, որ այս տարի սպասվում են դրական արդյունքներ: Նա ընդգծել է, որ սկզբում նախատեսվում էր կառուցել 130 ՄՎտ հզորոթյամբ հիդրոէլեկտրակայան, 800 մլն կվտ / ժամ արտադրական հզորությամբ: Սակայն, վերջին 10 տարիների ընթացքում Արաքս գետի ջրերը ենթարկվել են տեխնոլոգիական փոփոխություններիլ: «Ուստի, չի բացառվում թվերի և ծավալների հերթական փոփոխությունները», - հայտարարել է Հայկ Հարությունյանը:
Նախկինում Մեղրիի ՀԷԿ-ը համարվում էր հայ-իրանական խոստումնալից համատեղ ծրագիր: Թեև կողմերը հասել են նախագծի վերջնական փուլին և շինարարության մեկնարկը հայտարարել դեռ 2012-ի նոյեմբերից, աշխատանքները դեռ չեն սկսվել` Թեհրանի սահմանափակումների պատճառով: Եթե նախագիծն ավարտվի, կայանը կդառնա Անդրկովկասում ամենամեծը: Նախագծի համաձայն, $ 323 մլն-ի շինարարությունը ֆինանսավորվելու է իրանական ներդրումային ընկերության կողմից: Հայաստանն իր մասը կվճարի արտադրվող էլեկտրաէներգիայով, իսկ 15 տարի հետո կայանը կփոխանցվի հայկական կողմին: Առայժմ հայ-իրանական տնտեսական հարաբերությունները չեն կարողանում շարժվել մեռյալ կետից, իսկ պատժամիջոցների վերացումից հետո Թեհրանի և Բաքվի միջև տնտեսական կապերը կտրուկ ուժեղացան: Իրանի խորհրդարանը հաստատել է Ադրբեջանի հետ երկու հիդրոէլեկտրակայանների համատեղ շինարարության նախագիծը: Իսկ ԱրմԻնֆո գործակալությունը հաղորդել էր, որ եթե այդ ծրագիրն իրականացվի, Հայաստանում Մեղրիի հիդրոէլեկտրակայանի ջրի ծավալը կարող է պարզապես բավարար չլինել:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
