Չորեքշաբթի, 14 Փետրվարի 2018 14:59
Նաիրա Բադալյան

Գագիկ Մակարյան. Տնտեսական աճի առկա տեմպերի պահպանման դեպքում 2022 թվականի վերջին Հայաստանի ՀՆԱ -ն կկազմի շուրջ 15-16 մլրդ դոլար

Գագիկ Մակարյան. Տնտեսական աճի առկա տեմպերի պահպանման դեպքում 2022 թվականի վերջին Հայաստանի ՀՆԱ -ն կկազմի շուրջ 15-16 մլրդ դոլար

Արմինֆո. Տնտեսական աճի ներկա տեմպերի պահպանման դեպքում 2022 թվականի վերջին Հայաստանի ՀՆԱ -ն կկազմի շուրջ 15-16 մլրդ դոլար: Ընդ որում, արտահանումը ներկայիս 2,242 մլրդ դոլարից կհասնի մինչև 6-7 մլրդ դոլարի, իսկ ՀՆԱ-ն բնակչության մեկ շնչի հաշվով կավելանա մոտ 1,5 անգամ: Այդ մասին հայտարարել է Հայաստանի գործատուների միության նախագահ Գագիկ Մակարյանը:

 

Մակարյանի ասելով, 2017 թիվը բավականին հաջող էր Հայաստանի տնտեսական զարգացման առումով. դրվել են հետագա աճի հիմքերը: Մասնավորապես, անցած

տարին  նշանավորվել է արդյունաբերական հատվածի ակտիվ աճով: Հատկապես աչքի են ընկել արտադրության ոլորտը և շինանյութերի արտահանումը, հրուշակագործությունը, տրիկոտաժի և հագուստի  արտադրությունը, գյուղատնտեսության ոլորտը: Բացի այդ, բավականին ինտենսիվ է զարգացել ոգելից խմիչքների արտահանումը ՌԴ: Եթե նախկինում արտահանման մեծ ներուժ ուներ միայն կոնյակի արտադրությունը, ապա վերջին ժամանակներս Ռուսաստանի շուկայում  մեծ պահանջարկ են վայելում նաև գինին և մրգահյութերը: Ընդհանուր առմամբ, արտաքին առևտրի տեմպերն աճել են մինչև 6,5 մլրդ դոլար, ընդ որում, արտահանումն ավելացել է 25,2%-ով, մինչև 2,242 մլրդ դոլար, իսկ ներմուծումը` 27,8%-ով, մինչև 4,182 մլրդ դոլար: «Եթե ավելի վաղ մենք իշխանությունների տնտեսական քաղաքականությունը քննադատում էինք այն բանի համար, որ արտահանումը կազմում էր ողջ ներմուծման մեկ երրորդը կամ մեկ քառորդը, ապա այսօր հասել ենք 54% ցուցանիշի՚, - նշել է Մակարյանը: Այդպիսով, ինչպես կարծում է Միության ղեկավարը, ըստ էության, կարելի է վստահել վիճակագրական տվյալներին, որոնք պնդում են 2017 թվականի հունվար-դեկտեմբերին տնտեսական ակտիվության 7,7% մակարդակի մասին:

 

Միևնույն ժամանակ, Միության ղեկավարն էական տեղաշարժ չի տեսնում սոցիալական խնդիրների կարգավորման ոլորտում: Աղքատության մակարդակը դեռևս պահպանվում է 29,4%-ի մակարդակում, որից 1,9% ծայրահեղ աղքատ բնակչությունն է: «Դա նշանակում է, որ այդ ցուցանիշով Հայաստանն ամենավատ վիճակում է տարածաշրջանում՚, - նշել է նա: Ինչպես կարծում է Մակարյանը, իրավիճակի բարելավման դինամիկա նկատելի է նախորդ տարի արձանագրված աճի տեմպերի պահպանման պայմանով:

 

Հիշեցնենք, որ Հայայստանի ազգային վիճակագրական ծառայության տվյալներով, 2017 թվականի արդյունքներով տնտեսական ակտիվությունը կազմել է 7,7%, 2016 թվականին` 2015 թվի 3,1%-ից մինչև 0,5% դանդաղման դիմաց: Որպես դրայվեր հանդես են գալիս առևտուրը, ծառայությունների ոլորտը և արդյունաբերության հատվածը: Միայն 2017թ. դեկտեմբերին արձանագրվել է 21,8% աճ` 12,6% տարեկան աճի պայմաններում, մինչդեռ մեկ տարի առաջ դեկտեմբերի աճն ավելի համեստ էր` 17,9%` 0,1% բացասական տարեկան դինամիկայի պայմաններում: 2017 թվականի հունվար-դեկտեմբեր ամիսներին տնտեսական ակտիվության աճն ապահովել են ծառայությունների ոլորտը` տարեկան 14,4%, առևտուրը` 14% և արդյունաբերության հատվածը` 12,6%` մեկ տարվա վաղեմության, համապատասխանաբար, 7,1%, 0,1% և 6,7% աճի դիմաց: Համեմատաբար համեստ աճ են ապահովել նաև էներգահամալիրը և շինարարական հատվածը`6,1% և 2,2%, որոնք մեկ տարի առաջ արձանագրել էին  6,2% և 10,8% անկում: Այդ ֆոնին ագրոհատվածը, որտեղ պահպանվել է անկումը, ընդամենը դանդաղեցրել է տեմպերը 2016թ. 5,2%-ից մինչև 3%: 2017 թվականի հունվար-դեկտեմբեր ամիսներին արդյունաբերական արտադրանքի գների ինդեքսը 2016 թվականի նույն ժամանակահատվածի համեմատ բարձրացել է 3,9%-ով, 2017թ. դեկտեմբերին 2016թ. դեկտեմբերի համեմատ`  3,2%-ով, իսկ միայն 2018թ. դեկտեմբերին` 0,8%-ով, 2016 թվականի, համապատասխանաբար, 1,5%-ի, 7%-ի և 0,7%-ի դիմաց: Ամսվա կտրվածքով (2017թ. դեկտեմբերին) բոլոր ոլորտներն աճ են արձանագրել. շինարարության հատվածը` 83,4%, առևտուրը` 35,1%, էներգահամալիրը` 32,2%, ագրոհատվածը` 11,1%, արդյունաբերության հատվածը` 10,2%, ծառայությունների ոլորտը` 10,1%: Մեկ տարի առաջ, 2016 թվականի դեկտեմբերին անկում է ապրել միայն ագրոհատվածը` 11,4%,  մնացած ճյուղերն ապահովել են աճ. շինարարության հատվածը` 77,6%, առևտուրը` 46,4%, էներգահամալիրը` 12,4%, ծառայությունների ոլորտը`10,9% և արդյունաբերությունը` 6,4%. Մինչդեռ Հայաստանի ֆինանսների նախարարությունն ակնկալում է 6,7-7,4% ՀՆԱ աճ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ
iDram
btn

Արտ. փոխարժեքները
07.08.2020
RUB6.58-0.04
USD485.00-0.18
EUR573.17-2.20
GBP634.96-4.31
CAD362.97-2.54
JPY45.91-0.04
CNY69.880.01
CHF530.75-3.71



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000