Ուրբաթ, 16 Փետրվարի 2018 15:58

Արմինֆո. «Գյուղատնտեսության ոլորտին տրամադրվող վարկերի տոկոսադրույքների սուբսիդավորմանե նոր ծրագրի շրջանակում 2017 թվականի չորրորդ եռամսյակում  տրամադրվել է 913 միավոր վարկ 4241.6 մլն դրամ գումարի չափով: Մեկ վարկի միջին չափը կազմել է 4.65 մլն դրամ:

 

Գյու¬ղա¬տնտեսական վարկեր ստանալու նպատակով Գյուղատնտեսության զարգացման հիմնադրամի կողից հնարա¬վոր շահառուների համար կազմակերպվել է վարկերի հավաստագրման 224 դասընթաց (5562 մասնակից), տրամադրվել է 5326 հավաստագիր:

 

2018 թվականին ծրագրի շրջանակներում նախատեսված է տրամադրել 9.4 մլրդ դրամի վարկեր` թվով շուրջ 2100 շահառուների: Տոկոսադրույքների սուբսիդավորմանը ՀՀ պետական բյուջեից կուղղվի  2 030.8 մլն դրամ:

 

Գյուղատնտեսության ոլորտին տրամադրվող վարկերի տոկոսադրույքների սուբսիդավորման նոր ծրագիրը ՀՀ կառավարության կողմից ընդունվել է 2017 թվականի  սեպտեմբերի 14-ին:

 

Նոր ծրագրով վերանայվել են վարկերի տրամադրման պայմանները: Վարկերը տրամադրվում են 3-10 մլն դրամ գումարի սահմաններում մինչև 5 տարի մարման ժամկետով` ելնելով ներդրումների ուղղվածությունից: Սոցիալական աջակցություն ստացող սահմանամերձ բնակավայրերի և գյուղատնտեսական կոոպերատիվների համար վարկերի տոկոսադրույքների սուբսիդավորումը կիրականացվի այնպիսի չափաքանակով, որպեսզի վարկերը տնտեսավարողներին տրամադրվեն 3 %, իսկ մնացած համայնքների համար 5 % տոկոսադրույքով:

 

Վարկի տրամադրման նախապայման է համարվում Գյուղատնտեսության զարգացման հիմնադրամի կողմից ուսուցման արդյունքում տնտեսավարողներին տրամադրված հավաստագիրը:

 

Ծրագրի մեկնարկից առաջ եռակողմ հուշագրեր են ստորագրվել ՀՀ գյուղատնտեսության նախարարության, ՀՀ կառավարության աշխատակազմի«Գյուղական տարածքների տնտեսական զարգացման ծրագրերի իրականացման գրասենյակե պետական հիմնարկի գյուղական ֆինանսավորման կառույցի և մի շարք ֆինանսակաան կազմակերպությունների՝ «ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿե ՓԲԸ-ի, «ՔԱՐԴ Ագրո-Կրեդիտ ՈՒՎԿե ՓԲԸ-ի, «ՖԱՐՄ Կրեդիտ Արմենիաե ՈՒՎԿ ԱԿ-ի,«ՓՄՁ ներդրումներ ՈՒՎԿե («Հայաստանի Զարգացման և Ներդրումների Կորպորացիաե ՈՒՎԿ) ՓԲԸ, «ԿԱՄՈՒՐՋե ՈՒՎԿ ՓԲԸ-ի միջև:

 

Ըստ ԱրմԻնֆո գործակալության կողմից պատրաստված`Հայաստանի Բանկերի Ֆինանսական Վարկանիշի, գյուղատնտեսական վարկերի ծավալը 2017 թվականի հոկտեմբերի 1-ի դրությամբ կազմել է 147.8 մլրդ դրամ կամ 309 մլն դոլար, տարեկան անկումը`4.4%, իսկ 2017 թվականի 9 ամիսներին`1.9%: Գյուղատնտեսական վարկերի անփոխարինելի առաջատարն է ԱԿԲԱ-Կրեդիտ Ագրիկոլ Բանկը, որը ներառում է ընդհանուր ծավալի 47% -ը: