Արմինֆո. ՀՀ գյուղատնտեսության նախարարի տեղակալ Ռոբերտ Մակարյանն այսօր հյուրընկալել է Իսրայելի Պետության Գալիլեե միջազգային կառավարման ինստիտուտի նախագահ Ժոզեֆ Շեվելի գլխավորած պատվիրակությանը: Հանդիպմանը մասնակցում էր նաև Գյուղատնտեսության զարգացման հիմնադրամի գործադիր տնօրեն Գեղամ Գևորգյանը:
Ինչպես տեղեկացնում է ՀՀ գյուղատնտեսության նախարարության տեղեկատվության և հասարակայնության հետ կապերի բաժինը, ողջունելով հյուրերին` Ռոբերտ Մակարյանը նշել է, որ Հայաստանի համար շատ կարևոր է ուսումնասիրել Իսրայելի առաջավոր փորձը գյուղատնտեսության ոլորտում, մասնավորապես ժամանակակից տեխնոլոգիաների կիրառման առումով և ուրախ են քննարկել համագործակցության հնարավորությունները:
Ժոզեֆ Շեվելը, ներկայացնելով իր ղեկավարած կրթական հաստատությունը, նշել է, որ համագործակցության համաձայնագրեր ունեն աշխարհի մի շարք երկրների, մասնավորապես Չինաստանի, ամերիկյան թվով 34 պետությունների հետ և իրենց առաջարկած ուսուցման ծրագրերի շնորհիվ այդ երկրներին հաջողվել է զգալի աճ և առաջընթաց արձանագրել գյուղատնտեսության ոլորտում: Գալիլեե միջազգային կառավարման ինստիտուտը Հայաստանում համագործակցում է «Սպայկա» ընկերության հետ:
Հանդիպման ընթացքում պարոն Շեվելը հրավիրել է ՀՀ գյուղատնտեսության նախարարին առաջիկայում Իսրայել կատարելիք այցի շրջանակում լինել նաև Գալիլեե իստիտուտում` տեղում համագործակցության հարցերը քննարկելու նպատակով:
Որպես առաջին քայլ` Ռոբերտ Մակարյանը խնդրել է հյուրին նախարարություն ներկայացնել ուսուցման, վերապատրաստման ծրագրերի ուղղությունների, դրանց ծախսերի ֆինանսավորման վերաբերյալ առաջարկ` հետագա համագործակցության հնարավորություններն առավել հանգամանորեն ուսումնասիրելու նպատակով:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
