Ամերիաբանկը՝ «Լավագույն ներդրումային բանկ 2018» ըստ «Global Finance» ամսագրի

Արմինֆո. Ամերիաբանկը երրորդ տարին անընդմեջ “Global Finance” հեղինակավոր ամսագրի կողմից արժանանում է Հայաստանի «Լավագույն ներդրումային բանկ 2018»  մրցանակին: 

Ինչպես տեղեկացնում է Բանկի մամուլի ծառայությունը, գնահատումն իրականացվել է այնպիսի կարևոր չափանիշների հիման վրա, ինչպիսիք են՝շուկայում ունեցած մասնաբաժինը, գործարքների քանակը և ծավալը, սպասարկման որակը, մատուցվող խորհրդատվությունը, գործարքների կառուցվածքավորումը, նորարարությունը, գնագոյացումը, շուկայում ունեցած համբավը և այլն:

Աղբյուրի համաձայն, «Լավագույն ներդրումային բանկ 2018» մրցանակի հաղթողների ամբողջական ցանկը կհրապարակվի «Global Finance» ամսագրի ապրիլյան համարում:

Նշենք, որ «Global Finance» ամենամսյա ամսագիրը լույս է տեսնում 1987 թվականից: Ամսագիրն ունի ավելի քան 50 000 բաժանորդ, 180 երկրներում: Հրատարակության թիրախային լսարանում ընդգրկված են է աշխարհի խոշոր մասնավոր և պետական ​​ֆինանսական կառույցների ղեկավարներ և ներկայացուցիչներ: Հրատարակության փորձագետները վերլուծում են ավելի քան 192 երկրների կարևորագույն ֆինանսական ցուցանիշները:

Ըստ ԱրմԻնֆո գործակալության`Հայաստանի Բանկերի Ֆինանսակլան Վարկանիշի, Ամերիաբանկն իր հիմնական ֆինանսական ցուցանիշների շարունակում է մնալ շուկայի առաջատարը: Բանկի ակտիվները կազմել են 677.7 մլրդ դրամ ($ 1,4 մլրդ, 1 տեղ), վարկային ներդրումները և այլ փոխառությունները`468.9 մլրդ դրամ ($ 968.4 մլն, 1 տեղ), ներդրումներն արժեթղթերում`57,8 մլրդ դրամ (119,4 մլն դոլար, 2 տեղ): Իր ընդհանուր պարտավորություններով բանկը նույնպես առաջատարների շարքում է - 607.8 մլրդ դրամ կամ $ 1.3 մլրդ, որի կառուցվածքում հաճախորդների նկատմամբ պարտավորությունները (ժամկետային և ցպահանջ ավանդներ) կազմել են 61,7% -ով կամ 375.2 մլրդ դրամ ($ 775 մլն, 2 տեղ), միջազգային ֆինանսական հաստատություններից վարկերի ներգրավում` 29.5% կամ 179,1 մլրդ դրամ ($ 369,9 մլն, 1 տեղ), պարտատոմսերի տեղաբաշխումից ստացված միջոցները`6.7% կամ 40.9 մլրդ դրամ (84.6 մլն դոլար): Բանկի ընդհանուր կապիտալը կազմում է 69.9 մլրդ դրամ, կամ $ 144,5 մլն, իսկ ընդհանուր կանոնադրական կապիտալը`84.1 մլրդ դրամ: 2017 թվականը Ամերիաբանկը եզրափակել է 7,7 մլրդ դրամ կամ $ 15.9 մլն զուտ շահույթով (1 տեղ): Կապիտալի համարժեքության նորմատիվով բանկն ապահովել է 12.74% ցուցանիշ (պահանջվող նվազագույնը`12%), իսկ ընդհանուր իրացվելիության նորմատիվով`29.74% (նվազագույն նորմատիվը`15%), ընթացիկ իրացվելիության գծով`93,35% (60% min):

Հիշեցնենք, որ «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկը հայաստանյան շուկայում գործում է 1996 թվականի հոկտեմբերի 31-ից: Ամերիաբանկն ունի 14 մասնաճյուղ, որից 9-ը գտնվում է մայրաքաղաքում, իսկ 5-ը`Հայաստանի մարզերում: 2017 թվականի հունվարի 1-ի դրությամբ Բանկի բաժնետերեն են` Ameria Group CY ՍՊԸ – 65,8%, ՎԶԵԲ - 20,7%, ESPS Holding Limited - 13,5%:

2016 թվականի մարտից Բանկը ձեռնամուխ եղավ իր պարտատոմսերի թողարկմանը, որոնք 2018 թվականի հունվարի 1-ին հասան 8-ի, որից 5-ը`դոլարով, $ 55 մլն ընդհանուր ծավալով, 1-ը`եվրոյով և 3 մլն ծավալով, և 2-ը` դրամով և 2,5 մլրդ.դրամ ընդհանուր ծավալով, որոնք ցուցակված են «ՆԱՍԴԱՔ ՕԷՄԷՔՍ Արմենիա» ֆոնդային բորսայի հիմնական «Abond» ցուցակում: Դրա հետ մեկտեղ, Ամերիաբանկը 2016 թվականի հուլիսին իր ներդրումային կառավարիչ respons Ability Investments AG-ի միջոցով հաջողությամբ տեղաբաշխեց $ 20 միլիոնի պարտատոմսերը Լյուքսեմբուրգի չորս ներդրումային հիմնադրամներում, ստացված միջոցները նախատեսելով ուղղել ՓՄՁ վարկավորմանը և էներգետիկ արդյունավետության և վերականգնվող էներգետիկայի բնագավառի ֆինանսավորման նախագծերի իրականացմանը: Բանկի տարբերիչ պարգևներն են` Euromoney (2017, 2016, 2014թ, 2012թ, 2011թ), Global Finance (2016, 2015г, 2013թ, 2012թ), The Banker/FT (2016թ, 2015թ, 2013թ, 2010թ),  իսկ Commerzbank-ից 2008 թվականից ի վեր արժանանում է «STP-Award» մրցանակին:-