Beeline-ը հայտարարում է հատուկ ակցիա սմարթֆոնների համար

Արմինֆո.Beeline-ը հայտարարում է հատուկ ակցիայի մեկնարկի մասին վաճառքում առկա սմարթֆոնների համար։

Ինչպես տեղեկացնում է Ընկերության մամուլի ծառայությունը, ըստ հատուկ առաջարկի, ներկայացված բոլոր սմարթֆոնները մարտի 1-ից Beeline-ի վաճառքի և սպասարկման գրասենյակներում հնարավոր կլինի գնել 15 տոկոս զեղչով, իսկ Beeline-ի օնլայն խանութում՝ 20 տոկոս զեղչով։

Նշենք, որ զեղչը կարող է կազմել մինչև 50 000 դրամ։ Հատուկ ակցիայից օգտվելու համար հաճախորդը պետք է բաժանորդագրվի հետվճարային «Սմարթ» փաթեթներից որևէ մեկին՝ 24 ամսով:

Առաջարկը գործում է 30 000 դրամից բարձր արժեքով հեռախոսների համար մինչև մայիսի 31-ը։ Հեռախոսները զեղչված գներով նաև հասանելի են ապառիկով՝ Յունիբանկի միջոցով։

«Մենք շարունակում ենք դարձնել մեր ծառայությունները առավել հասանելի և հարմար մեր հաճախորդների համար։ Այսօր հայտարարում ենք գարնանային ակցիա, որի շրջանակներում հաճախորդներին տրամադրում ենք մեծ զեղչեր։ Օրինակ, մեր ցանցում iPhone X-ը կարելի է գնել 598 000 դրամով՝ 648 000-ի փոխարեն, իսկ Samsung Galaxy A8-ը՝ 263 410 դրամով՝ 309 900-ի փոխարեն։ Վստահ եմ, որ սա հաճելի անակնկալ կլինի մեր հաճախորդների համար, հատկապես, որ զեղչից օգտվելու համար նույնիսկ պետք չէ տանից դուրս գալ», - նշեց Հայաստանում Beeline-ի Կոմերցիոն տնօրեն Հայկ Կարապետյանը։

Նշենք, որ «ՎԵՈՆ Արմենիա» ՓԲԸ-ն (Beeline ապրանքանիշ) հանդիսանում է «ՎԵՈՆ» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: