Արմինֆո. Ծերացող բնակչության խնդիրն արդիական է նաև Հայաստանի համար: Համենայն դեպս, ինչպես մարտի 16-ին մամուլի ասուլիսում հայտարարել է Հայաստանի աշխատանքի և սոցիալական հարցերի նախարարության սոցիալական ապահովության պետական ծառայության պետ Հովհաննես Սահակյանը, Հայաստանը արագորեն շարժվում է այդ ուղղությամբ:
Ըստ Ծառայության, 2018 թվականի մարտի 1-ի դրությամբ Հայաստանում կա 446 249 հազար թոշակառու և 62 հազար 915 նպաստ ստացող անձ:
Միևնույն ժամանակ, Հայաստանում թոշակառուների թիվն ունի աճի միտում: «Ժողովրդագրական տվյալները վկայում են, որ առաջիկա 7 տարիներին կենսաթոշակառուներիտարեկան միջին աճը լինելու է 2500 մարդ», - ասել է նա:
Հիշեցնենք, որ մեկ ամիս առաջ ՀՀ աշխատանքի և սոցիալական հարցերի փոխնախարար Սմբատ Սաիյանը հայտարարել էր, որ Հայաստանում մեկ աշխատող քաղաքացուն ընկնում է 1.1 թոշակառու: «Սա շատ վատ ցուցանիշ է», - ասել էր նա, հավելելով, որ ժողովրդագրական զարգացումը խոչընդոտում է կենսաթոշակային համակարգին: «Երկրի բնակչության Պետական ռեգիստրը վկայում է, որ 1955 թվականին ծնված սերունդը 2018 թվականին կանցնի կենսաթոշակի, ինչը կկազմի 43 հազար մարդ: Իսկ 1960 թվականին ծնվածների թիվը կազմում է 60 հազար մարդ, ինչը նշանակում է կենսաթոշակառուների թվի 1,5 անգամ աճ», - ասել է Սաիյանը: Արդեն այսօր այդ աճը նկատվում է, անցյալ տարվա 307,068-ից մինչև այս տարվա 312,798 ցուցանիշը: Առաջիկա 5 տարիներին Հայաստանում թոշակառուների թիվը կաճի մոտ 10%:
Ըստ փոխնախարարի, ներկայիս միտումների շարունակվելու դեպքում 2023 թվականին բյուջեից կատարվող կենսաթոշակային վճարների ծավալը ներկայիս ավելի քան 210 մլրդ դրամի փոխարեն (223 մլրդ դրամ 2017-ին) կավելանա 19 մլրդ դրամով:
Նշենք, որ պաշտոնական վիճակագրության համաձայն, հանրապետությունում բոլոր վարձու աշխատողների թիվը կազմում է մոտ 600 հազար մարդ:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |