Արմինֆո. Հայաստանը 26-րդ տեղում է Ռուսաստանից տեղի ունեցող արտասահմանյան զբոսաշրջային ուղևորությունների քանակով, մի փոքր զիջելով ԱՄԷ-ին (379 հազար) և առաջ անցնելով Իսրայելից (359 հազ.): Այս մասին ասվում է Ռուսաստանից արտագնա տուրիզմի երկրների 2017 թվականի վարկանիշում, որը կազմվել է TurStat վերլուծական գործակալության կողմից:
Ըստ TurStat- ի տվյալների, անցյալ տարի, նախորդող տարվա նույն ժամանակահատվածի համեմատ, Ռուսաստանից Հայաստան ուղևորությունների քանակն ավելացել է 28%, մինչև 368 հազար, իսկ Ռուսաստանից արտագնա զբոսաշրջային ուղևորությունների ընդհանուր քանակն ավելացել է 25%, մինչև 40 մլն:
2017 թվականին Ռուսաստանից զբոսաշրջային այցելությունների քանակով առաջին տասնյակում են`Թուրքիան (4,5 մլն), Աբխազիան (4,3 մլն), Ֆինլանդիան (3,3 մլն), Ղազախստանը (3 մլն), Ուկրաինան (2,3 մլն), Չինաստանը (2 միլիոն), Էստոնիան (1.7 միլիոն), Լեհաստանը (1.2 միլիոն), Գերմանիան (1.2 միլիոն) և Թայլանդը (1.1 միլիոն):
2017 թվականին Հայաստան այցելած զբոսաշրջիկների թիվը 2016-ի համեմատ ավելացել է 18.7%: Այս մասին փետրվարի 18-ի ճեպազրույցում հայտնել է Զբոսաշրջության պետական կոմիտեի նախագահ Զարմինե Զեյթունցյանը: Նրա խոսքերով, նախորդ տարի ամենից շատ թվով տուրիստներ է Հայաստան այցելել Ռուսաստանից: Այնուհետև հաջորդում են`Իրանը, Արևմտյան Եվրոպայի երկրները: Հետաքրքիր դինամիկա է արձանագրվել նաև Չինաստանից, Ճապոնիայից, ԱՄԷ-ից և Ֆիլիպինների զբոսաշրջային հոսքերի առումով:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |