Արմինֆո. Վերջին ժամանակներս օտարերկրյա քաղաքացիները նախապատվություն են տալիս անհատական զբոսաշրջությանը, ավելի քիչ դիմելով տուրիստական գործակալությունների ծառայություններին՝ զբոսաշրջային փաթեթներ ձեռք բերելու նպատակով: Մարտի 17-ին մամուլի ասուլիսում այդ մասին հաղորդել է Զբոսաշրջության պետական կոմիտեի նախագահ Զարմինե Զեյթունցյանը՝ այդ առնչությամբ հիշատակելով իրանցի զբոսաշրջիկներին:
Զեյթունցյանի ասելով, հաշվի առնելով այդ միտումները, սահմանային անցակետերում ԻԻՀ քաղաքացիների համար պատրաստել են պարսկերեն տեղեկագրեր, որոնք անհրաժեշտ տեղեկատվություն են պարունակում Հայաստանի վերաբերյալ: Բացի այդ, նրանց համար կգործի 24/7 ռեժիմի թեժ գիծ: «Անցակետից մինչեւ քաղաքի մուտքը զբոսաշրջիկները կտեսնեն իրենց մայրենի լեզվով պաստառներ՝ զբոսաշրջային ուղղություններով եւ Նովրուզի տոնի առթիվ շնորհավորանքով, քանի որ Հայաստանը իրանացի զբոսաշրջիիկների համար հրապուրիչ շուկա է հատկապես մահմեդական ամանորի տոնակատարության շրջանում», - ասել է նա:
Զեյթունցյանը պարզաբանել է, որ իրանցի զբոսաշրջիկների հոսքի խթանմանն այդպիսի վերաբերմունքը պայմանավորված է նաեւ ԻԻՀ քաղաքացիների հանդեպ հասարակայնության ոչ կոռեկտ վերաբերմունքով: «Մենք մեզ համարում ենք հյուրըննկալ ազգ, թեեւ մեզ այդպես չենք դրսեւորում՝ սկսած տաքսի-ծառայություններից եւ վերջացրած ռեստորաններում սպասակմրաբ», - ասել է նա, հավելելով, թե հաստատությունների մուտքերին պատահել են իրանցիների մուտքն արգելող ցուցանակներ: Այդ առնչությամբ նա հիշատակել է արաբական երկրներում բարգավաճող հայ համայնքները, համոզմունք հայտնելով, թե նրանք հաջողության են հասել, մեծ հաշվով, այդ երկրների քաղաքացիների ջերմ վերաբերմունքի շնորհիվ: Նրա ասելով, 2017 թվականին Հայաստան ժամանակ իրանցի զբոսաշրջիկների թիվը հասել է 220 հազարի՝ ապահովելով տարեկան 16 տոկոս աճ: «Դժվարանում եմ ասել, թե այս տարի մենք ինչպիսի աճ կապահովենք: Սակայն լավատեսորեն ենք տրամադրված: Բայց դա այն դեպքում, եթե իրանական ռեալի փոխարժեքի կտրուկ տատանմանն առնչվող էքսցեսներ չլինեն՝ ինչպես տարիներ առաջ», - եզրափակել է Զեյթունցյանը:
