Արմինֆո. Հայկական ԱԷԿ-ում երկրորդ էներգաբլոկի շահագործման ժամկետի երկարաձգման ծրագրի իրականացման արդյունքում էլեկտրաէներգիայի արտադրությունը կավելանա 10%: Միևնույն ժամանակ, 2020-2021 թվականներին երկրում արտադրված էլեկտրաէներգիայի ընդհանուր ծավալում միջուկային էներգիայի մասնաբաժինը կհասնի 40-42%-ի: Այս մասին մարտի 21-ին ՀՀ Ազգային ժողովում ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանը, պատասխանելով «Էլք» ընդդիմադիր խմբակցության հարցին:
Նախարարը նշել է, որ ծրագրի իրականացումից հետո կայանը կարող է մի քանի տարի ապահովել հանրապետությանը էլեկտրաէներգիայով: Դրանից հետո անհրաժեշտ է հետազոտություններ անցկացնել շահագործման ժամկետի երկարաձգման ուղղությամբ: Այս համատեքստում անհրաժեշտ չէ խոսել նոր ատոմային էներգաբլոկի կառուցման հնարավորության մասին, երբ կա գործողը, որը կարող է անվտանգ և անընդհատ գործել մի քանի տարի: Աշխարհում ատոմային տեխնոլոգիաները շարունակվում են զարգանալ շատ արագ, ասել է նախարարը: Եթե հինգ տարի առաջ Հայաստանում դիտարկվում էին նոր բլոկի կառուցման այլընտրանքային երկու տարբերակ, ապա այսօր մենք խոսում ենք հինգի մասին, որոնք շատ ավելի էժան են, ավելի անվտանգ և հուսալի: Հետևաբար, կառավարության որոշումը հստակ է`շարունակել նոր էներգաբլոկի շահագործումն այնքան ժամանակ, որքան թույլ է տալիս ռեսուրսը: Միայն դրանից հետո որոշում կկայացվի տեխնոլոգիաների և նոր բլոկի տեսակի մասին: «Ես չեմ պատկերացնում Հայաստանի էներգետիկ հատվածի զարգացումն առանց միջուկային էներգիայի», - ասել է նախարարը:
Մինչդեռ, նախարարը պարտավորություն չի ստանձնել հաստատել, որ ատոմային արդյունաբերությունը 10 տարի կաշխատի: Պատասխանելով հարցին, թե որքան դեռ կշահագործվի բլոկը, Մանուկյանը նշել է, որ դա կախված կլինի ՄԱԳԱՏԷ-ի, «Ռոսատոմի» եզրակացություններից, ինչպես նաև միջազգային հեղինակություն ունեցող մասնագետներից: «Միայն նրանք կպատասխանեն այս հարցին», - ասել է նախարարը: Ընդ որում, Աշոտ Մանուկյանը շարունակել է, դա տեղի կունենա 2019-ի վերջին և 2020-ի սկզբին, երբ լինեն նախնական տվյալները: «Այդ ժամանակ էլ կընդունվւ նոր էներգաբլոկի կառուցման մասին որոշում: Բայց այստեղ ես էլ չեմ ուզում առաջ վազել և օգտագործել «բլոկ» տերմինը, քանի որ ժամանակակից տեխնոլոգիաները թույլ են տալիս միջուկային էներգիայի աղբյուրներ ստեղծել առանց «բլոկ» հասկացության օգտագործման: Նա հավելել է, որ եթե 10 տարի առաջ խոսքը գնում էր 1100 ՄՎտ բլոկի, իսկ չորս տարի առաջ`600 ՄՎտ հզորությամբ բլոկի մասին, ապա հաջորդ 10 տարիներին տեխնոլոգիաների և հզորությունների ընտրության հարցում որևէ սահմանափակում չի լինի: