Բյուրո. ԱՊՊԱ վնասաբերության գործակիցը 2017-ին 55.3% -ից աճել է 2017 թ. մինչև 66%

Արմինֆո. ԱՊՊԱ վնասաբերության գործակիցը 2017 թվականին աճել է մոտ 11տոկոսային կետով, կազմելով մոտ 66%: Այս մասին են վկայում Հայաստանի Ավտոապահովագրողների բյուրոյի տվյալները:

Ըստ Բյուրոյի, ԱՊՊԱ գծով ապահովագրական պրեմիաների ծավալը 2017-ին կազմել է  19.2 մլրդ.դրամ, տարեկան կտրվածքով աճը`4.9%, նախորդ տարվա 3.4% աճի փոխարեն: Իսկ վճարված ապահովագրական հատուցումների ծավալը կազմել են 11,9 մլրդ դրամ, 3.3%-ից աճելով մինչև 32.4%:

2018 թվականի հունվարի 1-ի դրոթյամբ Հայաստանում ԱՊՊԱ պայմանագիր ուներ 497,881 տրանսպորտային միջոցների սեփականատեր, տարեկան աճը`29 710 միավորով կամ 6,4%, նախորդ տարվա 10293 միավոր կամ 2,3% աճի փոխարեն: ԱՊՊԱ պայմանագրերի ընդհանուր ծավալների 25%-ը պատկանում է Ռոսգոսստրախ Արմենիա ընկերությանը, 22% - Ինգո Արմենիա, 20% - Նաիրի Ինշուրանս, 12-13% -ՍԻԼ Ինշուրանս և 8% -ը պատկանում է ԱՐՄԵՆԻԱ ԻՆՇՈՒՐԱՆՍ ընկերոթւյանը:

Ապահովագրական հատուցումների ծավալներով առաջատարն է «Ռոսգոսստրախ Արմենիան» - 3,3 մլրդ դրամ, որին հաջորդում են`Նաիրի Ինշուրանս - 2.34 միլիարդ, ԻՆԳՈ Արմենիա - 2.3 միլիարդ, ՌԵՍՈ- 1.5 միլիարդ, Սիլ Ինշուրանս - 1,4 մլրդ դրամ, «Արմենիա Ինշուրանս» - 788,1 մլն դրամ:

Ավտոապահովագրողների բյուրոն 2018 թվականի համար կանխատեսում է ԱՊՊԱ գծով վնասաբերության շուրջ 70%:

Նշենք, որ Հայաստանում ԱՊՊԱ ներդրման օրից, արդեն 7 տարի, բազմաթիվ քայլեր են ձեռնարկվել այդ հատվածի կատարելագործման համար: Այսպես, 2016-ի մարտից համակարգում ներդրվեց ապահովագրական դեպքերը եվրոպրոտոկոլներով արձանագրելու համակարգը, եթե վնասի շեմը չի անցնում 50 հազար դրամից, որը հետագայում դարձավ 100 հազար դրամ: 2017-ի ապրիլից ԱՊՊԱ շուկայում ներդրվեց ուղղակի հատուցումների համակարգը, երբ ապահովագրական պատահարի դեպքում տուժողը հատուցումն ստաննում է իր ապահովագրական ընկերությունից, որը հետագայում գումարը ետ է վերադարձնում ռեգրեսի սկզբունքով: 2017 թվականի նոյեմբերի 1-ից Ավտոապահովագրողների Բյուրոն ավտոմեքենաների սեփականատերերի համար գործարկեց ԱՊՊԱ պայմանագրերի կնքման առցանց տարբերակը, 5% զեղչով: ԱՊՊԱ պայմանագրերի կնքման էլեկտրոնային ռեժիմի առավելությունները հետևյալն են`առաջինը պարզեցված ընթացակարգն է, քանի որ այն տևում է առավելագույնը 3-4 րոպե, երկրորդը, որ ապահովագրավճարը վճարվում է վճարային քարտի միջոցով, և երրորդը, ապահովագրական պոլիսն անմիջապես ուղարկվում է նշված ապահովադիրին (ավտոմեքենայի սեփականատիրոջը), նրա էլեկտրոնային հասցեին: 2017-ի դեկտեմբերի կեսերին գործարկվեց ևս մեկ հմարավորություն`վճարների կատարումը TelCell, EasyPay և ՄոբիԴրամ, Edram(idram) համակարգերի միջոցով:

Աշխատանքներ են տարվում ԱՊՊԱ գործընթացը ստանդարտների նոր մակարդակի հասցնելու ուղղությամբ - մեկ պատուհանի և միասնական հարթակի համակարգին, համաձայն Armenian Single Window for Automative – ASWA նախագծի: