Արմինֆո. Հայաստանի գինեգործական ընկերությունների մարկետինագյին ռազմավարության շրջանակներում 2018-2023 թվականներին որպես արտահանման շուկաներ են ընտրվել Ռուսաստանը, Լեհաստանը, Բելգիան և ԱՄՆ: Այս մասին ԱրմԻնֆոյի հետ զրույցում նշել է Հայաստանի խաղողագործության և գինեգործության հիմնադրամի (VWFA) գործադիր տնօրեն Զարուհի Մուրադյանը:
Ըստ Զ. Մուրադյանի, նշված շուկաները սահմանելու համար Արտահանման խթանման հիմնադրամի կողմից տարվա ընթացքում իրականացվել են բազմաթիվ ուսումնասիրություններ, որոնց հիման վրա մշակվել է մարքեթինգային պլանը: Հիմնադրամի ղեկավարն ընդգծել է, որ հիմնական շեշտը կդրվի հայկական գինիների ճանաչելիության և արտահանման ծավալների ավելացման վրա:
«Այս տարի առաջին անգամ եմ մասնակցել ՊրոդԷքսպո ցուցահանդեսին, որպես Հիմնադրամի ղեկավար, և զարմանալիորեն հայտնաբերել եմ, որ Ռուսաստանում քիչ բան գիտեն հայկական գինիների մասին: Մեզ ավելի շատ ընկալում են որպես կոնյակ արտադրող երկրի: Հետևաբար, այս ուղղությամբ պետք է անել մեծ աշխատանք: Մասնավորապես, ՌԴ-ում ՀՀ դեսպանը պատրաստակամություն է հայտնել ավելի նպատակաուղղված միջոցառումների իրականացման համար », - ասել է նա: Բելգիայի մասին խոսելով, Զ.Մուրադյանն ընդգծել է, որ վերջերս շուկայում դիտվում է հայկական գինու պահանջարկի ավելացման և մատակարարման բարձրացման միտումը:
Բացի այդ, նա ասել է, որ այս տարվա հուլիսին մարքեթինգային ռազմավարության շրջանակներում ԱՄՆ-ում տեղի կունենա հայկական գինիների տոնավաճառ: «Սկզբի համար մենք Լոս Անջելեսում կանցկացնենք տոնավաճառ, հաշվի առնելով այնտեղ բնակվող բազմաթիվ հայկական Սփյուռքը», - ասել է նա: Բացի այդ, Միացյալ Նահանգներում նախատեսվում է միջոցառումների շարք, որտեղ կներկայացվի հայկական գինու պատմությունը, որին նախատեսվում է հրավիրել ոլորտի փորձագետների սոմլյե, քննադատների և լրագրողների: «Նման միջոցառումներն, անշուշտ, նպաստում են հայկական գինիների ճանաչելիության և սպառման բարձրացմանը», - ավելացրել է նա: Ավելի ուշ, ըստ Զ.Մուրադյանի, ծրագրի իրականացմանը նախատեսվում է ներգրավել միջազգային փորձագետների:
Հիշեցնենք, որ մարտի 30-ին Գյուղատնտեսության նախարարության նիստում վավերացվել է Հայաստանի գինեգործական ընկերությունների 2018-2023 թվականների մարքեթինգային ռազմավարությունը, որը մշակվել է Հայաստանի գինեգործների կողմից, Արտահանման խթանման կենտրոնի հետ համատեղ, Հայաստանի խաղողագործության և գինեգործության հիմնադրամի աջակցությամբ:
Նշենք, որ Հայաստանի խաղողագործության և գինեգործության հիմնադրամն ստեղծվել է 2016 թվականի հունիսի 23-ին, կառավարության որոշմամբ: Հիմնադրամի գործունեությունն ուղղված է հայկական գինիների որակի և մրցունակության բարձրացմանն արտաքին շուկաներում: Նշենք, որ Զարգացող երկրներում արտահանման խթանման կենտրոնն (CBI) ստեղծվել է 1971 թվականին, Նիդերլանդներում, որի գործունեությունն ուղղված է զարգացող երկրներում կայուն և համապարփակ տնտեսական զարգացմանը, այդ երկրներից արտահանման ընդլայնման միջոցով: CBI- ն Նիդերլանդների ձեռներեցության գործակալության կազմում է և ֆինանսավորվում է Նիդեռլանդների արտաքին գործերի նախարարության կողմից:
ՀՀ Ազգային վիճակագրական ծառայության տվյալներով, Հայաստանում 2017 թվականին արտադրել է 8,8 մլն լիտր գինի, իսկ գինու արտահանումն ավելացրել է 30%: Ըստ ՀՀ մաքսային ծառայության վերջին տվյալների, 2017 թվականի առաջին կիսամյակում Հայաստանից արտահանվել է 1.2 մլն լիտր գինի, տարեկան աճը`61%, իսկ մաքսային արժեքի աճը կազմել է 84,3%, մինչև $ 4,7 մլն: Հայաստանից գինիների արտահանման մոտ 80%-ը (1 մլն լիտր) բաժին է ընկնում ռուսական շուկային, հաշվետու ժամանակաշրջանում աճելով 68.1%: