2018 թ. Հայաստանում դիզելային վառելիքը գյուղատնտեսական արտադրողների համար թանկացել է 100 դրամով

Արմինֆո.2018 թվականին ֆերմերները Հայաստանում 1 լիտր դիզելային վառելիքի դիմաց կվճարեն 380 դրամ (60 դրամը սուբսիդավորվում է պետության կողմից): 2017 թվականին մեկ լիտր դիզելային վառելիքի սուբսիդավորման գինը կազմել էր 314 դրամ դրամի`34.4 դրամը: Արդյունքում, գյուղացիները 1 լիտրի համար վճարել են 280 դրամ: Այս մասին, պատասխանելով  ԱրմԻնֆո-ի թղթակցի հարցին, հայտարարել է ՀՀ գյուղատնտեսության նախարարի տեղակալ Աշոտ Հարությունյանը:

Ըստ նրա, չնայած այն հանգամանքին, որ նույնիսկ սուբսիդավորման պայմաններում դիզվառելիքի գինը բարձրացնել է 100 դրամով, թանկացումը չի կարող էապես ազդել գյուղատնտեսական արտադրանքի արժեքի վրա: Ինչպես բացատրվում է նախարարի տեղակալը, վերջին երեք տարիների վերլուծությունը ցույց է տվել, որ 250 հազար ֆերմերներից միայն 16 հազարն է դարձել ծրագրի շահառու: «Թվային վերլուծությունը ցույց տվեց, որ նույնիսկ  աշնանացան ցորենի ցածր բերքատվության պայմաններում վառելիքի թանկացումը կհանգեցնի արտադրական ծախսերի 5-7 դրամով բարձրացմանը», - ասել է Հարությունյանը:

Ներկայումս, ՀՀ գյուղատնտեսության նախարարությունը զերծ է մնում կանխատեսումներից, թե արդյոք կպահպանվեն վառելիքի անցյալ տարվա իրացման ծավալները և ինչպիսին կլինի պահանջարկը: «2017-ին դիզելային վառելիքի սուբսիդավորման ծրագիրը մեկնարկեց ավելի ուշ, և 5 մլն լիտրի փոխարեն վաճառվեց մոտ 3 մլն լիտր: 2018-ին նախատեսված է 5 մլն լիտր, իսկ ապրիլի 7-ի դրությամբ արդեն մատակարարվել է 98 հազար լիտր», - ասել է Աշոտ Հարությունյանը:-