Արմինֆո. Մենք խուսափեցինք բախումներից և ցավալի իրադարձություններից, լրագրողների հետ զրույցում ասել է ՀՀ ֆինանսների նախարարի ժամանակավոր պաշտոնակատար Վարդան Արամյանը:
ֆինանսների նախարարի պաշտոնակատարը դժվարացել է երեկ տեղի ունեցած իրադարձությունները հեղափոխութուն անվանել: «Դժվարանում եմ ասել: Ամեն դեպքում վարչապետը հրաժարական տվեց, և դա մեծ քայլ էր»,- ասել է նա: Այն հարցին, թե արդյոք կաշխատի նոր իշխանությունների հետ՝ նախարարի պաշտոնակատարն ընդգծել է, որ ժամանակից առաջ ընկնել չի սիրում. «Ժամանակը ցույց կտա», - հավելել է նա:
Միաժամանակ, Արամյանի խոսքով, ցանկացած ներքաղաքական լարվածություն անդրադառնում է տնտեսության վրա: Ինչպես հայտարարել է ֆինանսների նախարարի պաշտոնակատարը, ժամանակը ցույց կտա, թե հայտնի իրադարձությունները որքանով են ազդել ներդրումային ակտիվության վրա: Նրա խոսքով, ավանդաբար ներդրողներն աչքի են ընկնում պահպանողական վարքագծով, հետևում են երկրի տնտեսությանը, բարեփոխումների անցկացմանը:
«Արձանագրենք, որ անցած 1,5 տարում մենք կատարել ենք առաջին քայլը, միջազգային վարկանշային կազմակերպությունները դրական են գնահատել Հայաստանի տնտեսությունը և կառավարության գործողությունները:
Դրական զարգացումները դրական ազդակներ են տալիս ներդրողներին: Եթե նման լարվածություն չի լինում, ներդրողներն ավելի վստահ են իրենց զգում»,- ասել է ֆինանսների նախարարի պաշտոնակատարը: Նա հույս է հայտնել, որ Հայաստանում լարվածությունը կթուլանա, և կառուցողական քննարկումներ կլինեն:
![]() | 4.55 | 0.07 |
![]() | 388.40 | 0.51 |
![]() | 421.65 | 0.71 |
![]() | 499.99 | 0.58 |
![]() | 281.14 | 0.77 |
![]() | 25.13 | -0.35 |
![]() | 53.56 | -0.21 |
![]() | 439.57 | -1.92 |