Կոնվերս Բանկը հայտարարում է 25% CashBack արգենտինական գինու համար

Արմինֆո. Կոնվերս Բանկը՝ մինչև ապրիլի 29-ը կայանալիք «Արգենտինական գինու շաբաթի» շրջանակներում իր գործընկերների ցանցում  25% CashBack է հայտարարում արգենտինական գինիների համար: Ինչպես տեղեկացրել է Բանկի մամուլի ծառայությունը, առաջիկայում կիրականացվեն ևս մի շարք նման ակցիաներ:

CashBack-երը հաճախորդների խրախուսմանը միտված լավագույն, ամենարդյունավետ լոյալության ծրագրերից են, որոնք մի կողմից թույլ են տալիս հաճախորդներին գնումներ կատարելիս հետ ստանալ գործարքի գումարի մի մասը՝ խնայելով գումար, մյուս կողմից էլ խթանում են անկանխիկ գործարքները:

«Կոնվերս Բանկը պարբերաբար հանդես է գալիս CashBack ակցիաներով և, այս առումով, հաճախորդներին հետ վերադարձված գումարի ծավալով հայաստանյան առաջատարներից է: Ըստ որում, մենք առանձնանում ենք ոչ միայն նման առաջարկների մեծ հաճախականությամբ, այլև հետ վերադարձվող գումարի չափով՝ 25 տոկոս CashBack-ը աննախադեպ է Հայաստանում»,-ասացին Բանկում:

Ընդհանուր առմամբ, 2014թ –ից ի վերԿոնվերսԲանկի  հայտարարած CashBack ակցիաների ընթացքում Բանկի հաճախորդներին է վերադարձրել ավելի քան 260 մլն դրամ:

Զուգահեռաբար, յուրաքանչյուր գնման համար հաճախորդները ստացել են Կոնվերս Միավորներ, որոնք կարող են փոխանակել նվերներով Բանկի գործընկերների ցանցում:

«Առաջիկայում ևս Կոնվերս Բանկը հանդես կգա նման շահավետ ակցիաներով՝ իր քարտապան հաճախորդներին շահավետ գնումների և խնայելու հնարավորություն տալով»,-ասացին Բանկում:

Քարոզարշավի և Բանկի գործընկերային ցանցի մասին մանրամասն տեղեկություն կարելի է ստանալ հետևյալ հղումով. http://benefits.conversebank.am/hy/current¬promotions/item/2018/04/19/wineweekcashback/

Ըստ ԱրմԻնֆո գործակալության` «Հայաստանի բանկերը քարտային բիզնեսում» №16 վերլուծական զեկույցի, Կոնվերս բանկն ինչպես ակտիվ քարտերի ընդհանուր թվով, այ պես էլ Visa և MasterCard քարտերի թվով գտնվում է առաջատարների հնգյակում: 2017 թվականի հոկտեմբերի 1-ի դրությամբ բանկի ակտիվ քարտերի ընդհանուր թիվն ավելացել է 35,1%, մինչև 183.8 հազար: Քարտերի ընդհանուր թվում Visa քարտերը կազմել են 28.2%, MasterCard-ը`12,5% (22,9 հազար, տարեկան աճը`44,4%): Բանկի պլաստիկ գործարքների ծավալը 2017-ի 9 ամիսներին ավելացել է 62%, մինչև 239.1 մլրդ դրամ, այդ ցուցանիշով զբաղեցնելով առաջին տեղը: 2017 թվականի հոկտեմբերի 1-ի դրությամբ Բանկն ուներ 104 բանկոմատ և 753 սեփական POS թերմինալ:

Նշենք, որ Կոնվերս Բանկ ՓԲԸ գործում է 1996 թվականից: Բանկի բաժնետերերն են` «Ըդվանսդ Գլոբալ Ինվեսթմենթս» ԷլԷլՍի (80,94%), «ՀայՓոստ Թրասթ Մենեջմենթ» Բի. ՎԻ. Ընկերություն (14.06%) և Հայաստանյաց Առաքելական Սուրբ Եկեղեցի (5%): Իսկ Բանկի 100% բաժնետոմսերի անուղղակի բաժնետերն է Holding Company «Blakery Assets» LTD: