2018-ի I եռամսյակում ԱՊՊԱ գծով ապահովագրական հատուցումներն աճել են, իսկ բժշկական ապահովագրության գծով`մի քանի անգամ ավելացել

Արմինֆո. Հայաստանի ապահովագրողները 2018 թվականի I եռամսյակում իրականացրել են 5.7 մլրդ.դրամի կամ $ 11.9 մլն ապահովագրական հատուցումներ (թվերը հիմնված են ընկերությունների հաշվետվությունների և ԿԲ չափանիշների վրա): Տարեկան կտրվածքով հատուցումներն աճել են 36.9%: Ընդ որում, ապահովագրական պրեմիաների գծով գրանցվել է 47.6% աճ, մինչև 14.1 մլրդ դրամ կամ $ 29.3 մլն: Միևնույն ժամանակ: Ըստ ԱրմԻնֆո գործակալության`Հայաստանի ապահովագրական ընկերությունների ռենկինգի, հատուցումների տարեկան աճ է ապահովվել բոլոր վեց ընկերություններում, իսկ ամենամեծ աճը` «Նաիրի Ինշուրանս»- ի մոտ`67.8%:

Ըստ ապահովագրական դասերի, տարեկան ամենամեծ աճն արձանագրվել է ընդհանուր պատասխանատվության ապահովագրություն հատվածում`40 անգամ: Այնուհետև հաջորդում են`գույքային ապահովագրությունը`4.6 անգամ, առողջության ապահովագրությունը`2,2 անգամ, արտասահման մեկնողների ապահովագրությունը` 24,7%-ից մինչև 44.3%, ԱՊՊԱ հատվածում հատուցումների տարեկան տեմպերը դանդաղել են`41.3% -ից մինչև 11.2%, իսկ ցամաքային տրանսպորտի պատասխանատվության ապահովագրության հատվածում`19.4% աճից հետո գրանցվել է 59.8% անկում:

Ապահովագրական հատուցումների ծավալներով առաջատարն է «Ռոսգոսստրախ-Արմենիա» ապահովագրական ընկերությունը `1.5 մլրդ դրամ: Այնուհետև հաջորդում են` «ԻՆԳՈ Արմենիա»`1,4 մլրդ դրամ, «Նաիրի Ինշուրանս»`1,1 մլրդ դրամ, ՍԻԼ Ինշուրանս` 720.1 մլն դրամ, ՌԵՍՈ` 562.2 մլն դրամ, Արմենիա Ինշուրանս`384.5 մլն դրամ:

Հատուցումների ամենամեծ մասնաբաժինն ընկել է ԱՊՊԱ հատվածին`57.78% կամ 3,3 մլրդ դրամ: Բժշկական ապահովագրության մասնաբաժինը կազմել է 28% կամ 1,6 մլրդ դրամ, ԿԱՍԿՈ`5.44% կամ 310.9 մլն. դրամ, Ֆինանսական կորուստների ապահովագրություն` 2.35% կամ 134.1 մլն դրամ: Մնացած դասերով հատուցումները կազմել են 6.4-116.1 մլն դրամ:

2018 թվականի I եռամսյակում Հայաստանի ապահովագրական ընկերություններն արձանագրել են 70.3 հազ ապահովագրական պատահար, որի մեծ մասը բաժին է ընկել առողջության ապահովագրությանը`52,5 հազար պատահար, ԱՊՊԱ-ին`16 հազար պատահար, ԿԱՍԿՈ`430 պատահար, ընդհանուր պատասխանատվության ապահովագրություն`1,1 հազար պատահար: Հայաստանի ապահովագրական շուկայում գործում է ապահովագրության երկու պարտադիր տեսակ`ԱՊՊԱ-ն և պետական ​​աշխատողների առողջության ապահովագրությունը:

Նշենք, որ Հայաստանի ապահովագրական շուկայում ներկայումս գործում է 6 ընկերություն, որոնք աշխատում են ապահովագրական 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: Ապահովագրական 16 դասերի լիցենզիա ունի «ԻՆԳՈ Արմենիա» ընկերությունը (միակն է, որ զբաղվում է ջրային տրանսպորտի ապահովագրութամբ), որին լիցենզավորման դասերի թվով հաջորդում է «Ռոսգոսստրախ Արմենիա»-ն` ապահովագրության 15 դաս (միակն է վարկային ռիսկերի ապահովագրության ոլորտում): (ՀՀ դրամի միջին հաշվարկային փոխարժեքը 31.03.2018 թ. կազմել է 480.06 դրամ/դոլար):