Հայաստանի պլաստիկ շուկայում անկանխիկ գործարքների ծավալն առաջին եռամսյակում տարեկան կտրվածքով աճել է 67.9%

Արմինֆո. Հայաստանում, պլաստիկ քարտերի քանակը 2018-ի I եռամսյակում ավելացել է 14.9% տարեկան, մինչև 1.785 մլն հատ, նախորդ տարվա 10.8% անկման փոխարեն: Համապատասխանաբար կտրուկ, մինչև 38,6 արագացել է նաև պլաստիկ գործարքների տարեկան աճը, կազմելով 440.6 մլրդ դրամ: Այս մասին են վկայում է ՀՀ Կենտրոնական բանկի տվյալները:

Ըստ աղբյուրի, տեղական ArCa քարտերն ավելացել են տարեկան կտրվածքով`12.8%, մինչև 591.6 հազար քարտ, իսկ միջազգային Visa և MasterCard քարտերը համապատասխանաբար ավելացել են`12.7% և 22.1%, մինչև 633.7 հազար և 514,8 հազար: Իսկ մյուս միջազգային քարտերը (հիմնականում Էյչ Էս Բի Սի քարտեր, AmEx և Diners Club) նվազել են 1.1%,  կազմելով 44,7 հազար քարտ:

Ըստ ԿԲ տվյալների, պլաստիկ գործարքների կտրուկ ավելացումը պայմանավորված է ArCa քարտերով տրանսակցիաների 14,1% և միջազգային քարտերի`7 անգամ աճով, այդ թվում, Visa քարտերով գործարքներն ավելացել են 0.7%, մինչև 26,9%, իսկ MasterCard –երով`39,3%: Առաջատարն է Visa քարտը`188,8 մլրդ դրամ, որին հաջորդում է MasterCard-ը` 123,6 մլրդ դրամ և երրորդն է ArCa-ն`84.4 մլրդ դրամ, իսկ մնացած քարտերով`43.8 մլրդ դրամ:

Պլաստիկ գործարքների ընդհանուր ծավալում անկանխիկ գործարքները վերջին 5 տարում աճել են 21,2% (2013-ի I եռամսյակի արդյունքներով), 2018-ի I եռամսյակի արդյունքներով կազմելով 93,4 մլրդ դրամ: Անկանխիկ պլաստիկ գործարքների ծավալի տարեկան աճն առաջին եռամսյակում կազմել է 67,9%: Իսկ այդ ցուցանիշի եռամսյակային դինամիկան արձանագրել է 17,7% աճ:

Հայաստանի պլաստիկ շուկայում Visa քարտերի մասնաբաժինը քարտերի ընդհանուր թվում տարեկան կտրվածքով նվազել են`36,2%-ից մինչև 35,5%, ArCa`33.8% -ից մինչև 33.1%, MasterCard`27.1%-ից մինչև 28,8%, իսկ մնացած քարտերով`2,5%: Պլաստիկ քարտերի ընդհանուր ծավալներով առաջատարն է VISA քարտը`42,8%, որին հաջորդում է MasterCard-ը`28% և ArCa- ն`19,2%, իսկ մնացած քարտերով`9.9%:

2018-ի ապրիլի 1-ին կար 7939 POS- թերմինալ, որից 811-ը`բանկերում, տարեկան աճը` 11,2% կամ 799 հատ: Ընդ որում, միայն 2018-ի առաջին եռամսյակում POS թերմինալների թիվն ավելացել է 8.7% կամ 636 հատով: Նույն օրվա դրությամբ եղել է 1478 բանկոմատ,  տարեկան կտրվածքով աճը`5.4% կամ 76 հատ: Հատկանշական է, որ POS- թերմինալների թիվը եռամսյակում աճել է 14.1% կամ 100 հատով, իսկ տարեկան կտրվածքով կրճատվել է 20 հատով, ինչը կարելի է պայմանավորել շուկայից 4 բանկերի դուրս գալու պարագայով, ինչպես նաև բանկերի կողմից իրենց փոսթերմինալային ցանցաի արդիականացումով: Առևտրի/սպասարկման թիվը, որտեղ տեղադրված են բանկոմատները կամ POS- թերմինալները, Կենտրոնական բանկը 2015-ից դադարել է հրապարակել, բայց 2014-ի վերջին դրանք կազմել են 6619 հատ, որից 3694-ը գտնվել է մանրածախ առևտրի կետերում, իսկ 275-ը`հյուրանոցներում:

Հիշեցնենք, որ ArCa վճարային համակարգի մեծամասնական բաժնետերն է ՀՀ Կենտրոնական բանկը, ինչպես նաև խոշոր բաժնետերերն են`ACBA-Credit Agricole Bank- ը, Հայէկոնոմբանկը և Արդշինբանկը, իսկ մնացած 12 բանկերին է պատկանում ընկերության բաժնետոմսերի 2%-ը: