Հայաստանի դրամական միջոցների արտահոսքը մեծ թափ է հավաքում

Արմինֆո. 2018 թվականի I եռամսյակի արդյունքներով ֆիզիկական անձանց դրամական փոխանցումների արտահոսքը տարեկան կտրվածքով աճել է 49%, մինչև 273,4 մլն.դոլար, իսկ ներհոսքը`14.5%, մինչև 358,3 մլն.դոլար: Ըստ ՀՀ Կենտրոնական բանկի տվյալների, արդյունքում, դրամական փոխանցումների զուտ ներհոսքը տարեկան կտրվածքով կրճատվել է 34,4%, մինչև 84.9 մլն դոլար: Միայն այս տարվա առաջին եռամսյակում տրանսֆերտների ներհոսքը նվազել է 31.3%, իսկ արտահոսքը նվազել է 16.3%, ինչի արդյունքում զուտ ներհոսքը նվազել է 56.5%:

Ընդ որում, Ռուսատանից Հայաստան փոխանցումների ներհոսքը տարեկան կտրվածքով աճել է 22,1%, իսկ արտահոսքը`53.1%: Նույն իրավիճակն տիրում նաև ԱՄՆ-ի ուղղությամբ, մասնավորապես, ներհոքն աճել է 11.4%, իսկ արտահոսքը` 28.8%:

Ներհոսքի կառուցվածքում Ռուսաստանը մասնաբաժինը I եռամսյակում 61%-ից նվազել է մինչև 56%, իսկ արտահոսքն ավելացել է`34%-ից մինչև 37%: Ռուսաստանից Հայաստան ֆիզիկական անձանց փոխանցումների գծով I եռամսյակում ներհոսքը կազմել է 201,7 մլն դոլար, իսկ արտահոսքը`101.3 մլն դոլար: ԱՄՆ ուղղությամբ`մասնավոր տրանսֆերտների ներհոսքը կազմել է 44,3 մլն դոլար, իսկ արտահոսքը`48,8 մլն դոլար:

ՀՀ կենտրոնական բանկի կանխատեսումների համաձայն `2018 թվականին սպասվում է դրամական փոխանցումների 7-9% աճ:

Ըստ ԿԲ վիճակագրության, 2017-ին ֆիզիկական անձանց դրամական փոխանցումների ներհոսքն աճել է 14,6%, մինչև $ 1,757 մլրդ, արտահոսքը`25.6%, մինչև $ 1,026 մլրդ: Արդյունքում, զուտ ներհոսքը 2017-ին աճել է 2.1%, կազմելով $ 731 մլն: Ներհոսքի ծավալում  Ռուսաստանի մասնաբաժինը կազմել է 60,6% կամ $ 1,065 մլրդ, իսկ արտահոսքինը`34.5% կամ 354 մլն դոլար: