Արմինֆո. ՀՀ աշխատանքի և սոցիալական հարցերի նախարարությունը քննարկում է կուտակային կենսաթոշակային համակարգի վերացման հարցը: Այս մասին մայիսի 17-ին կառավարության նիստի մեկնարկից առաջ լրագրողներին հայտարարել է նախարար Մանե Թանդիլյանը:
Հիշեցնենք, որ 2018 թվականի հուլիսի 1-ից պարտադիր կուտակային կենսաթոշակային համակարգը պարտադիր կդառնա Հայաստանի բոլոր քաղաքացիների համար: Աշխատանքի և սոցիալական հարցերի նախկին նախարար Արտեմ Ասատրյանի տեղեկացմամբ, 2017 թ.հոկտեմբերի դրությամբ համակարգի մասնակիցների թիվը գերազանցել է 180 հազարը:
Դրանց մեծ մասը մասնավոր հատվածի ներկայացուցիչներ են, և համակարգում արդեն կուտակվել է 80 միլիարդ դրամ: Երեք տարվա կառավարման արդյունքում կուտակված միջոցներն ավելացել են մոտ 32%, ինչը, ըստ նախարարի գնահատման, բավականին լավ ցուցանիշ է: «Նշված գումարը ներդրվել է համապատասխան գործիքների մեջ, և դրանց վերադարձը երաշխավորված է օրենքով», - ընդգծել էր աշխատանքի և սոցիալական հարցերի նախկին ղեկավարը:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |