Արմինֆո. ՎՏԲ-Հայաստան Բանկը բարելավել է և ընդլայնել է ուսանողական վարկերի պայմանները: Այսուհետ կրթական վարկ կարելի է ստանալ ոչ միայն ԲՈւՀ-երի, այլ նաև վճարովի դպրոցների աշակերտների ուսման վարձերը վճարելու նպատակով: Բացի այդ, ՎՏԲ-Հայաստան Բանկը առաջինը շուկայում հնարավորություն է ընձեռում ստանալ վարկ նաև տարբեր ուսուցողական դասընթացների վարձերի վճարման նպատակով: Այս մասին տեղեկացրել է Բանկի մամուլի ծառայությունը:
Աղբյուրի համաձայն, կրթական նպատակներով բարելավված վարկը չունի կոնկրետ ուսումնական հաստատությունների ցանկի սահմանափակումներ և տրամադրվում է հետևյալ հաստատություններում սովորողների համար.
• տեղական ուսումնական հաստատություններ
• միջազգային ուսումնական հաստատություններ
• միջազգային ուսումնական հաստատությունների մասնաճյուղեր
• տարբեր ուսումնական դասընթացներ:
Նոր վարկատեսակի գլխավոր առավելություններից մեկն այն է, որ վարկը ստանալու համար չի պահանջվում երաշխավորություն:
Վարկի հիմնական պայմաններն են: Վարկի տոկոսադրույքը`սկասած 15%-ից, առավելագույն ժամկետը՝ մինչև 5 տարի, առավելագույն գումարը՝ ուսման վարձի գումարի 100% չափով, բայց ոչ ավելի, քան 5 մլն ՀՀ դրամը: Ընդ որում, վարկային հաշվի սպասարկման միջնորդավճարներ նախատեսված չեն: Իսկ վարկի մարումը կատարվում է հաճախորդի ընտրությամբ, կամ վարկի գումարի ամսական հավասարաչափ մարումով, կամ էլ միայն տոկոսագումարի մարում ուսման ժամկետի ընթացքում, իսկ դրանից հետո՝ վարկի գումարի հավասարաչափ ամսական մարում:
Հայտի դիտարկումը և վարկի տրամադրման մասին որոշումը կայացվում է առավելագույնը 2 աշխատանքային օրվա ընթացքում: Վարկն ստանալու համար կարող են դիմել ինչպես ուսանողի/աշակերտի ծնողները, այնպես էլ Բանկի պահանջներին համապատասխանող ուսանողները:
Ավելի մանրամասն տեղեկություններ ստանալու համար կարելի է այցելել ՎՏԲ-Հայաստան Բանկի մասնաճյուղեր, կամ Բանկի պաշտոնական կայք՝ www.vtb.am, կամ զանգահարել Բանկի միասնական Տեղեկատվական ծառայություն՝ 87-87 հեռախոսահամարով:
Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշների, ՎՏԲ-Հայաստան Բանկը մանրածախ վարկավորման 90.4 մլրդ դրամ ($ 186,8 մլն) ծավալով, 2018-ի հունվարի 1-ի դրությամբ, գտնվում է առաջատարների եռյակում, տարեկան աճը` 15.9%: Բանկի ընդհանուր վարկային պորտֆելում մանրածախի բաժնեմասը կազմել է 53%, իսկ շուկայում ՎՏԲ-Հայաստան Բանկի մասնաբաժինը կազմել է 11%: Սպառողական վարկերի 77,2 մլրդ դրամ ($ 159,6 մլն դոլար) ծավալով բանկը գտնվում է երկրորդ տեղում, կազմելով վարկային պորտֆելի 46.6%-ը, տարեկան աճը`23.3%, իսկ շուկայի սպառողական վարկավորման ծավալներում ՎՏԲ-Հայաստան Բանկի մասնաբաժինը կազմել է ավելի քան 13%:
Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ, ապրիլին: «ՎՏԲ Բանկե ՀԲԸ հանդիսանում է «ՎՏԲ-Հայաստան Բանկե ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ: