Արմինֆո. ՀՀ Առողջապահության նորանշանակ նախարար Արսեն Թորոսյանը կասկածում է, որ նույնիսկ մինչև 2020 թվականը հնարավոր կլինի Հայաստանում ներդնել պարտադիր բժշկական ապահովագրության համակարգը (ՊԲԱ): Այս մասին մայիսի 17-ին հայտնել է նախարարը, պատասխանելով ԱրմԻնֆո-ի հարցին:
Նրա խոսքերով, համակարգի ներդրման համար դեռ շատ անելիքներ կան: Նախ, սոցփաթեթը պետք է ընդգրկի բնակչության առավել խոցելի խավերին`612 հազար մարդ, որին հետո պետք է միանան զինվորակաների ընտանիքները: Եվ միայն դրանից հետո, ուսումնասիրությունների արդյունքների հիման վրա, հնարավոր է որոշել ՊԲԱ ներդրումը: Բացի այդ, նախարարը նշել է, որ անհրաժեշտ է մտածել բուժսպասարկման պատշաճ որակի ապահովման ուղղությամբ, որպեսզի երկրի քաղաքացիներն իմանան, թե ինչի համար են վճարում:
Հիշեցնենք, որ այս տարվա մարտին առողջապահության նախարարությունում նշել էին, որ պատրաստ չեն նշել պարտադիր բժշկական ապահովագրության փուլային ներդրման ժամկետները: Մինչդեռ, ավելի վաղ հաղորդվել էր, որ սոցփաթեթը 2018-ի երկրորդ կեսից կտարածվի առավել խոցելի շերտերի վրա, իսկ հետո`մնացածի վրա: Միակ տեղեկությունը, որ նախարարությունը հայտնել էր, այն է, պարտադիր բժշկական ապահովագրության Պոլիսի ամսական արժեքը կկազմի 6 հազար դրամ: Բայց չաշխատող քաղաքացիների, ինչպես նաև կենսաթոշակառուների և երեխաների հարցը մնում է բաց, քանի որ բյուջեն ի վիճակի չէ իր վրա վերցնել լրացուցիչ բեռ:
Հիշեցնենք, որ 2017 թվականի հոկտեմբերի 1-ից Հայաստանում սկսվեց պարտադիր բժշկական ապահովագրության փուլային ներդրման գործընթացը, որի առաջին փուլի շահառուներն են պետական ծառայողները: Միևնույն ժամանակ հայտարարեց, որ առաջին փուլում, հաշվի առնելով շահառուների կարգավիճակը, ֆինանսավորումը կիրականացվի պետական միջոցների հաշվին: Ինչպես հայտարարվել էր, այդպես կլինի նաև երկրորդ փուլում, երբ կընդգրկվեն առավել խոցելի շերտերը`612 հազար մարդ: Եվ միայն դրամից մեկ տարի անց, երկու փուլերի դրական արդյունքներով, պարտադիր առողջության ապահովագրության համընդհանուր համակարգը կսկսի լիարժեք աշխատել:
