Արմինֆո. Եվրասիական տնտեսական հանձնաժողովի (ԵՏՀ) կոլեգիան հավանություն է տվել ԵԱՏՄ շուրջ պայմանագրի բոլոր երկրների հետ համաձայնեցված փոփոխություններին, որոնք առնչվում են նախազգուշացման և կանխարգելման գործիքների ներդրմանը հակամենաշնորհային կարգավորման ոլորտում:
Այդ մասին հաղորդել է ԵՏՀ մրցակցության և հակամենաշնորհային կարգավորման կոլեգիայի անդամ (նախարար) Մարատ Կուսաինովը ԵԱՏՄ երկրների հակամենաշնորհային մարմինների ղեկավարների խորհդրակցության ժամանակ:
ԵՏՀ փորձագետները պատմել են անբարեխիղճ մրցակցության բացահայտված դեպքերի արդյունքներով Միության տեխնիկական կանոնակարգերում փոփոխություններ կատարելու վերաբերյալ Հայաստանի առաջարկությունների իրագործման մասին, ինչպես նաև մանրակրկիտ քննարկել են ԵԱՏՄ շուրջ պայմանագրում անբարեխիղճ մրցակցության արգելված ձևերի կոնկրետացմանն առնչվող Բելառուսի նախաձեռնությունը: Ղրղըզստանի ներկայացուցիչները խորհրդակցության ընթացքում քննարկել են հակամենաշնորհային արձագանքման գործիքների օգնությամբ երկրի նավթի և նավթամթերքի շուկայում իրավիճակի բարելավման հնարավոր տարբերակները:
