ՀՀ ֆինանսների նախարարությունում հարկային և մաքսային քաղաքականության, ինչպես նաև հաշվապահական հաշվառման հարցերը կհամակարգի Արման Պողոսյանը

Արմինֆո. Հայաստանի ֆինանսների նախարարությունում հարկային և մաքսային քաղաքականության, ինչպես նաև հաշվապահական հաշվառման հարցերը կհամակարգի Արման Պողոսյանը: Ինչպես հաղորդում է կառավարության տեղեկատվության և հասարակայնության հետ կապերի վարչությունը, մայիսի 25-ին Հայաստանի Հանրապետության վարչապետ Նիկոլ Փաշինյանի որոշմամբ Արման Պողոսյանը նշանակվել է ՀՀ ֆինանսների նախարարի տեղակալ:

Ինչպես ԱրմԻնֆո-ին հաղորդել են Ֆինանսների նախարարության մամուլի ծառայությունից, Արմեն Պողոսյանը (1982թ.) 1999-2004թթ. սովորել է Հայաստանի պետական տնտեսագիտական համալսարանի «Ընդհանուր տնտեսագիտության» ֆակուլտետում, որակավորումը՝ ձեռնարկությունների տնտեսագետ և կառավարիչ;

2004-2007թթ.` Հայաստանի պետական տնտեսագիտական համալսարանի ասպիրանտուրա՝ «Տնտեսության, նրա ճյուղերի տնտեսագիտություն և կառավարում» մասնագիտությամբ: 2007թ. ՀՀ բարձրագույն որակավորման հանձնաժաղովի կողմից շնորհվել է տնտեսագիտության թեկնածուի գիտական աստիճան:

2005-2006թթ. աշխատել է  Երևանի քաղաքապետարանում` առաջին կարգի մասնագետ;

2006-2008թթ.`  ՀՀ ֆինանսների նախարարություն, առաջատար մասնագետ; 2008-2009թթ.`  ՀՀ ֆինանսների նախարարություն, Եկամուտների քաղաքականության վարչության Հարկերի մեթոդաբանության բաժնի պետ; 2009-2011թթ.`  ՀՀ ֆինանսների նախարարություն, Եկամուտների քաղաքականության և վարչարարության մեթոդաբանության վարչության Հարկային քաղաքականության բաժնի պետ-վարչության պետի տեղակալ; 2011-2014թթ. - ՀՀ ֆինանսների նախարարություն, Եկամուտների քաղաքականության և վարչարարության մեթոդաբանության վարչության պետ; 2014թ.-ից մինչ օրս` ՀՀ ֆինանսների նախարարություն, Եկամուտների քաղաքականության, գնահատման և կարգապահական ծրագրերի վարչության պետ; 2007թ.-ից մինչ օրս - Հայաստանի պետական տնտեսագիտական համալսարան, դասախոս; 2016-ից Վարչարարության մեթոդաբանության, ընթացակարգերի և սպասարկման վարչության պետ: Ունի ՀՀ քաղաքացիական ծառայության 1-ին դասի խորհրդականի դասային աստիճան, ՀՀ հարկային ծառայության 2-րդ դասի ավագ խորհրդականի դասային կոչում,

ՀՀ նախագահի 2013թ. նոյեմբերի 27-ի կարգադրությամբ պարգևատրվել է ՀՀ նախագահի շնորհակալագրով, ՀՀ պաշտպանության նախարարի 2011թ. հունիսի 30-ի հրամանով պարգևատրվել է «Ծովակալ Իսակով» մեդալով: Ամուսնացած է: