Արմինֆո. Հակաստանի կառավարության նախաձեռնությամբ բնակչության սոցիալապես անապահով խավերի համար էլեկտրաէներգիայի սակագինը կնվազեցվի 10 դրամով: Այդ մասին հունիսի 8-ին կառավարության նիստում հայտարարել է Էներգետիկ ենթակառուցվածքների և բնական պաշարների նախարար Արթուր Գրիգորյանը:
Վարչապետ Նիկոլ Փաշինյան իր հերթին հանձնարարել է ուսումնասիրել սակագների նվազեցման համար հնարավոր բոլոր տարբերակները ոչ միայն սոցիալապես անապահով խավերի համար, այլ նաև՝ ամբողջ երկրում:
Նշենք, որ Հայաստանում մշտապես բարձրացվում է էլեկտրաէներգիայի և գազի բարձր սակագների հարցը, որը բացասական ազդեցություն է ունենում ոչ միայն երկրի քաղաքացիների, այլ նաև՝ տնտեսության վրա: Չնայած 2017 թ. փետրվարի 1-ից էլեկտրաէներգիայի սակագների որոշակի նվազմանը՝ այն շարունակում է բարձր մնալ:
Հիշեցնենք, որ 2017 թվականի փետրվարի 1-ից էլեկտրաէներգիայի սակագները Հայաստանում նվազել են: Վերջնական սպառողների համար սակագինը նվազել է 1 կՎտ/ժ դիմաց 1,22 դրամով, իսկ բնակչության սոցիալապես անապահով շերտերի համար` 6,2 դրամով: Այդպիսով, 2017 թվականի փետրվարի 1-ից 110 կՎ լարմամբ ենթակայաններից էլեկտրաէներգիա ստացող սպառողների համար ցերեկային սակագինը կազմում է 1 Կվտ/ժամի դիմաց 33.48դրամ` գործող 34.7 դրամի փոխարեն, իսկ գիշերային սակագինը հավասար է 29.48 դրամի` գործող 30.7 դրամի փոխարեն: 35 կՎ լարմամբ սնվող սպառողների համար ցերեկային սակագինը կազմում է 35.98 դրամ/կՎտժ (գործող 37.2 դրամ/կՎտժ-ի փոխարեն)` ներառյալ ԱԱՀ-ն, գիշերային սակագինը` 31.98 դրամ/կՎտժ (գործող 33.2 դրամ/կՎտժ-ի փոխարեն)` ներառյալ ԱԱՀ-ն: 6 (10) կՎ լարմամբ սնվող սպառողների համար ցերեկային սակագինը կազմում է 41.98 դրամ/կՎտժ (գործող 43.2 դրամ/կՎտժ-ի փոխարեն)` ներառյալ ԱԱՀ-ն,. գիշերային սակագինը` 31.98 դրամ/կՎտժ (գործող 33.2 դրամ/կՎտժ-ի փոխարեն)` ներառյալ ԱԱՀ-ն: 0,38 կՎ և ցածր լարմամբ սնվող սպառողների (այդ թվում` բնակչության) համար, բացառությամբ 5-րդ կետով սահմանված սպառողների, ցերեկային սակագինը կազմում է 44.98 դրամ/կՎտժ (գործող 46.2 դրամ/կՎտժ-ի փոխարեն)` ներառյալ ԱԱՀ-ն, գիշերային սակագինը` 34.98 դրամ/կՎտժ (գործող 36.2 դրամ/կՎտժ-ի փոխարեն)` ներառյալ ԱԱՀ-ն: Սոցիալապես անապահով ընտանիք համարվող սպառողների համար ցերեկային սակագինը կազմում է 40.0 դրամ/կՎտժ (գործող 46.2 դրամ/կՎտժ-ի փոխարեն)` ներառյալ ԱԱՀ-ն, գիշերային սակագինը` 30.0 դրամ/կՎտժ (գործող 36.2 դրամ/կՎտժ-ի փոխարեն)` ներառյալ ԱԱՀ-ն:
