Արմինֆո. Հայաստանի բոլոր խոշորագույն մանրածախ առևտրային ցանցերն անցել են ԱԱՀ-ով աշխատելու եղանակին: Այս մասին, պատասխանելով ԱրմԻնֆո-ի հարցին, հունիսի 8-ին հայտարարել է ՀՀ Պետական եկամուտների կոմիտեի նախագահ Դավիթ Անանյանը: Այս տարվա մայիսին խոշոր մանրածախ առևտրով զբաղվողները նախազգուշացրել էին, որ նախկին կառավարության հետ վաղեմի պայմանավորվածություններն այլևս վավեր չեն և կարճ ժամանակում պետք է վերադառնան օրինական հարկային դաշտ:
Ըստ Անանյանի, խոշոր սուպերմարկետների կողմից հարկերի վճարումից խուսափելու և ՀԴՄ-ների շահագործման կանոնները խախտելու մասով այսօր չկան իրավական լուծումներ, քանի որ հետաքննությունը դեռ շարունակվում է: Այնուամենայնիվ, ՊԵԿ-ն ունի հետևյալ դիրքորոշումը`11-12 խոշոր սուպերմարկետները, որոնք իրականացրել են ապրանքների իրացումը և գյուղատնտեսական չեն եղել, ԱԱՀ-ն շրջանցելու մասով պարտավոր կլինեն վճարել բյուջեին հարկային պարտավորություններով նախկինում չվճարված գումարները:
Բացի այդ, ինչպես նշել է ՊԵԿ ղեկավարը, Կոմիտեն մտադիր է պարզել ստվերային տնտեսության չափերը: Տարբեր գնահատականներով, ստվերի ծավալները Հայաստանում կազմում են 22-40%: Տեղական փորձագետներն ու պետական կառույցները գտնում են, որ ստվերը կազմում է 22-25%, իսկ միջազգային կազմակերպությունները հաշվարկել են, որ այն հասել է 40-46% -ի: «Քանի դեռ չկա «ստվերի» գնահատականն ըստ ոլորտների, մենք չենք կարող բացահայտել տնտեսոթւյան հարկման ենթական մասը: Այսպիսով, մեր հիմնական նպատակը «ստվերային տնտեսության» ծավալների հաշվարկն է», - ասել է նա: Միևնույն ժամանակ, ինչպես ընդգծել է Անանյանը, ստվերը ձևավորվում է այնտեղ, որտեղ չկա գործարքների փաստաթղթավորում և բիզնեսի պետական գրանցում: «Մենք պետք է հետևենք, որպեսզի չլինի չգրանցված բիզնես և ապահովենք փաստաթղթեր առկայությունը բոլոր գործարքներում: Ըստ էության, եթե մենք հասնենք այդ նպատակին, կստացվի, որ արդյունավետորեն ենք պայքարում ստվերի դեմ», - ասել է հարկային և մաքսային կոմիտեի ղեկավարը:
ՊԵԿ ղեկավարը խոստովանում է, որ ցանցային մանրածախ առևտրի շահույթի ամբողջական փաստաթղթավորմանն անցումը կհանգեցնի որոշ գնաճի: Այնուամենայնիվ, ինչպես նշել է Անանյանը, կառավարությունը դեմ է գնաճի զսպման արհեստական մեխանիզմներին:
Այսպիսով, Պետական եկամուտների կոմիտեն, ըստ նրա ղեկավարի, դեմ է արհեստական գնագոյացմանը և կողմ է առողջ մրցակցությանը: «Գնագոյացումը պետք է տեղի ունենա բացառապես շուկայական տնտեսության տրամաբանության շրջանակներում: Ուստի, ՊԵԿ-ը խնդիր չի տեսնում, եթե ԱԱՀ դաշտին անցնելու պայմաններում գյուղատնտեսական ապրանքների, այդ թվում նաև մսի գներն աճեն»,-հայտարարել է Անանյանը: Իսկ դա, նշել է նա, կնշանակի, որ մոտ գտնվող փոքր խանութները կլինեն ավելի մրցունակ:
