Երկուշաբթի, 11 Հունիսի 2018 19:38

Արմինֆո. Հայաստանի ֆինանսների նախարարության ներկայիս և նմախորդ ղեկավարները եկամտահարկի վերանայման համար առավել հավանական ժամանակ են համարում 2019 թվականի սկիզբը: ԱրմԻնֆո-ի թղթակցի հետ զրույցում նման կարծիք են հայտնել ֆինանսների նախարար Ատոմ Ջանջուղազյանը և նախկին նախարար Վարդան Արամյանը: Նրանք նշել են, որ երկրի հարկային քաղաքականության հստակեցման համատեքստում հուլիսին Հայաստան կժամանի Արժույթի միջազգային հիմնադրամի տեխնիկական աջակցության խումբը:

 

Ըստ ֆինանսների նախկին նախարարի, ԱՄՀ ներկայացուցիչները մեկ անգամ ևս ուսումնասիրեն երկրի հարկային քաղաքականությունը: Հենց ԱՄՀ-ի տեխնիկական աջակցությամբ էր, որ Հայաստանը մշակել է հարկային օրենսգիրքը, ինչպես նաև վերանայել երկրի ֆիսկալ կանոնները: Այցի ընթացքում, նշել է Արամյանը, կողմերը կանդրադառնան եկամտահարկի և ավելացված արժեքի հարկի վերանայմանը:

 

Հայաստանի հարկային օրենսգրքի «վերաիմաստավորման» աշխատանքները կտևեն առնվազն 3-4 ամիս: Արամյանի խոսքով, փոփոխությունների հիմնական վեկտորն ուղղվելու է անուղղակի հարկերի ավելացմանը և ուղղակի հարկերի նվազեցմանը: Այս համատեքստում, ըստ Արամյանի, եկամտահարկի դրույքաչափերի վերանայման համար առավել հավանական ժամանակ կարող է լինել հաջորդ տարվա սկիզբը:

 

Ֆինանսների նախարար Ատոմ Ջանջուղազյանը, իր հերթին, նշում է այն ակնհայտությունը, որ եկամտահարկի կրճատումը կարճաժամկետ կտրվածքով ներառում է ֆիսկալ ռիսկեր: Ներկայումս, ինչպես նշել է նախարարը, դիտարկվում է եկամտահարկի նվազեցումը`ներկայիս 23, 28 և 36% -ից մինչև 20 և 25%: Այդ դեպքում բյուջեի վնասները կկազմեն 45-46 մլրդ դրամ, 600 հազար աշխատողի կտրվածքով: Հետևաբար, ֆինանսների նախարարությունը պետք է համոզված լինի, որ այդ վնասները կփոխհատուցվեն «ստվերից» դուրս բերված միջոցների հաշվին: Հակառակ դեպքում, ինչպես նշել է նախարարը, Հայաստանն ստիպված կլինի ավելացնել պարտքի բեռը բյուջեի դեֆիցիտը ծածկելու համար, ինչն անթույլատրելի է: Այսպիսով, ըստ փորձագետի, այս ֆինանսական տարում եկամտահարկի նվազեցումը քիչ հավանական է: Հարկային բեռը նվազեցնելու հարցը սրությամբ դրված էր նաև 2016 թվականին, երբ ընդունվում էր նոր Հարկային օրենսգիրքը, բայց ԱՄՀ և ՀԲ ճնշման տակ Կարապետյանի նոր կառավարությունն ընդունեց այդ փաստաթուղթը:

 

Քաղաքական ընդդիմությունը նույնպես բարձրացրել էր այդ հարցը: Այսպես, «Ելք» դաշինքն առաջարկեց վերանայել հարկային օրենսգրքի սանդղակը, ավելացնելով «միջանկյալ սանդղակը», նրանց համար, ովքեր ստանում են 150 հազարից մինչև 300 հազար դրամ աշխատավարձ, ֆիքսելով տոկոսադրույքը`26%: «Առաջարկվող փոփոխությունները կունենան բացասական ազդեցություն, այդ թվում նաև պետական ​​բյուջեի եկամտային մասի ապահովման ուղղությամբ», - փետրվարին նշել էր Վարդան Արամյանը: Նա այդ առաջարկը համարեց անհիմն, քանի որ այն չի նախատեսում բյուջեի վնասների վերականգնման մեխանիզմները: Նշենք, որ ֆինանսների նախարարության մոտավոր հաշվարկներով, ԱԱՀ-ի 1-տոկոսային կետով ավելացումով կարելի է բյուջեին ապահովել 20 մլրդ դրամի լրացուցիչ եկամուտ: