Արմինֆո. Բարեգործությունը Հայաստանում վերածվել է առանձին մենաշնորայնացված տնտեսական ոլորտի, որի շրջանակներում գործունեությունն իրականացվում է բացառապես համաձայնությամբ: Հունիսի 19-ին «Նոյյան Տապան» մամուլի ակումբում հրավիրված ասուլիսում այս մասին հայտարարել է Ձեռներեցների կոնֆեդերացիայի նախագահ Տիգրան Հովհաննիսյանը:
Նա նշել է, որ Հայաստանում բարեգործության 95%-ը բաժին է ընկնում Գագիկ Ծառուկյանին: «Թող բարեգործություն կատարի, բայց թող չմոռանա նաև հարկերի վճարման մասին», - ասել է Տ. Հովհաննիսյանը: Այս իմաստով նա դժգոհել է Գ.Ծառուկյանի հայտարարությունից, որ վարչապետ Նիկոլ Փաշինյանը պարտավոր էր «Բարեգործության մասին» ՀՀ օրենքի ընդունման հարցում խորհրդակցել իր կուսակցության հետ: Հովհաննիսյանն ընդգծել է, որ ՀՀ նոր օրենքը պետք է հստակ պարզաբանի, թե ուր է տանում բարեգործությունը`ժողովրդի կյանքը բարելավելուն, թե ընդհակառակը, հանգեցնում աղքատության:
Օրենքը, Կոնֆեդերացիայի նախագահի կարծիքով, պետք է լինի կոշտ և պահանջի թափանցիկություն: «Ծառուկյանն այլևս չի կարող առանց բարեգործության, ինչը թույլ է տալիս նրան թաքցնել հարկերը և մարդկանց փող տալ փողոցներում, ովքեր այնուհետև նրան դարձնում են կուլտային անձ, ստանալով ընտրաձայներ: Թող սկսի վճարել հարկերը, որից հետո կտեսնենք, թե ում է պետք նրա բարեգործությունը, ով կխնդրի դա», - ասել է նա:
Տ.Հովհաննիսյանը պատրաստակամություն է հայտնել աջակցել կառավարությանը «Բարեգործության մասին» օրենքի ընդունման հարցում: «Ինձ դուր է գալիս իրադարձությունների զարգացումը Հայաստանում: Բայց ես Նիկոլ Փաշինյանի անձը կուլտի չեմ վերածում, ես կշարունակեմ պայքարել հարկային մարմինների և մյուս գերատեսչությունների հետ, երկրում հեղափոխական փոփոխությունների իրականացման համար: Մենք պետք է հեղափոխությունը հասցնենք ավարտրտին», - եզրափակել է նա:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |