Արմինֆո.Առաջիկա 2 ամսվա ընթացքում աշխատանքի և սոցիալական հարցերի նախարար Մանե Թանդիլյանը կներկայացնի կուտակային կենսաթոշակային համակարգի վերաբերյալ նոր օրինագիծ: Այդ մասին հունիսի 21-ին կառավարության նիստից հետո լրագրողների հետ զրույցում ասել է նա:
Նրա խոսքով, պարտադիր կուտակային կենսաթոշակային համակարգի ներդրման հարցում իր սկզբունքայնությունը չի կարող ինքնանպատակ լինել: «Պետության շահերն ինձ համար առաջնային են, և ես ձգտում եմ կուտակային կենսաթոշակային համակարգի ներդրման՝ այն տեսքով, որն ընդունելի կլինի լայն հասարակայնության համար»,- հայտարարել է նա: Միաժամանակ, Թանդիլյանի խոսքով, նախարարի կարգավիճակով իրեն կհաջողվի ավելի օպերատիվ կերպով լուծել համակարգին առնչվող խնդիրները՝ չհրաժարվելով ավելի վաղ հայտարարած սկզբունքներից:
Ինչպես նշել է Թանդիլյանը, փաստաթղթում, որը կնախապատրաստվի փորձագետների աջակցությամբ և կներկայացվի e-draft պորտալում, նախատեսված կլինեն համակարգի ներդրման տարբեր ճանապարհներ: «Կնախատեսվի նաև կամավորության սկզբունք»,- հայտարարել է նա՝ ձեռնպահ մնալով մեկնաբանություններից, թե ինչպես և բնակչության որ խմբերի համար կպահպանվի պարտադիր սկզբունքը:
«Մենք պատրաստվում ենք փոփոխությունները ներկայացնել խորհրդարանի հաստատմանը աշնանային նստաշրջանին՝ նպատակ ունենալով առաջարկվող փոփոխությունները ներդնել 2019թ հունվարի 1-ից»,- ասել է Թանդիլյանը՝ ավելացնելով, որ նախարարի պաշտոնում առաջադրված լինելով «Լուսավոր Հայաստան» կուսակցության կողմից՝ գործունեությունը շարունակում է նաև իր կուսակցությունում։
Ավելի վաղ ԱրմԻնֆո-ն հայտնել էր, որ վարչապետ Նիկոլ Փաշինյանը չի ընդունել աշխատանքի եւ սոցիալական հարցերի նախարար Մանե Թանդիլյանի հրաժարականը: «Մենք կշարունակենք աշխատանքը ՊԿԿՀ կատարելագործման ուղղությամբ՚, - հայտարարել է վարչապետը հունիսի 21-ին կառավարության նիստում, հավելելով, որ ինքն այսօր էլ չի կասկածում, որ կուտակային կենսաթոշակային համակարգը լուրջ բարեփոխումների կարիք ունի: Այդ համատեքստում վարչապետն ակնկալում է բոլոր շահագրգիռ գերատեսչությունների աջակցությունը:
Հիշեցնենք, որ հունիսի 12-ին աշխատանքի եւ սոցիալական հարցերի նախարար Մանե Թանդիլյանը հրաժարականի դիմում էր ներկայացրել: Նա իր որոշումը հիմնավորել էր պարտադիր կուտակային կենսաթոշակային համակարգի ներդրման առնչությամբ կառավարության հետ առկա տարաձայնություններով:
Հայկական բանկերը. HSBC բանկի, Արդշինբանկի և պատժամիջոցների նոր միջավայրի պայմաններում բիզնեսի վարման մասին
Telcell-ը դուրս է գալիս ինստիտուցիոնալ զարգացման ուղի
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի
Փորձագետ. Առաջիկա 2-3 տարում Հայաստանում անշարժ գույքի գները կբարձրանան
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի