Արմինֆո. ՀՀ ֆինանսների նախարար Ատոմ Ջանջուղազյանը ՀՀ քաղաքացիներին կոչ է անում չվախենալ կենսաթոշակային ֆոնդերի կառավարիչների սնանկացումից: «Նույնիսկ եթե տեսականորեն ենթադրենք ֆոնդի կառավարիչների սնանկացման հնարավորությունը, ինչը քիչ հավանական է, հաշվի առնելով նրանց հեղինակությունը, ապա ՀՀ քաղաքացիների համար այդ ռիսկն ունի 0% հավանականություն, քանի որ նրանց ակտիվներն անձեռնմխելի են և ներդրված են տարբեր արժեթղթերում», - ասել է նա, «Ազատություն» ռադիոկայանին, հունիսի 26-ին կայացած ֆեյսբուքյան ասուլիսում:
Ըստ նախարարի, իր քաղաքացիների արժանապատիվ ծերության ապահովումը յուրաքանչյուր պետության հիմնական խնդիրներից մեկն է: Հարցը կայանում է նրանում, թե արդյոք պետությունը կարող է երկրի քաղաքացիներին ապահովել արժանապատիվ կենսաթոշակ: Բաշխման համակարգը, որը գործում է մինչ օրս, հնացել է, քանի որ դրա «կենսունակությունը» պահանջում է, որպեսզի յուրաքանչյուր թոշակառուին ընկնի 3 աշխատող քաղաքացի, մինչդեռ այդ ցուցանիշն այսօր հավասար է մեկը-մեկին: Հաշվի առնելով ժողովրդագրական գործընթացները, պատկերը խոստանում է փոխվել, ընդ որում` ոչ թե դրական, այլ բացասական ուղղությամբ:
Նախարարը ձեռնպահ է մնացել կանխատեսումներից, թե արդյոք ապագայում կպահպանվի կուտակային կենսաթոշակային համակարգի պարտադիր բաղադրիչը: Ըստ նախարարի, պարտադիր բաղադրիչ, ինչպես նաև եկամտահարկի նվազեցման հարցը պետք է դիտարկել ամբողջական, մասնավորապես, թե ինչպես կարող են ներկայիս հարկային կարգավորումներն ապահովել երկրի քաղաքացիների և բիզնեսի շահերը:
RUB | 4.26 | -0.01 |
USD | 393.28 | -1.18 |
EUR | 424.11 | -1.51 |
GBP | 496.04 | -1.61 |
CAD | 290.22 | 0.11 |
JPY | 25.99 | -0.07 |
CNY | 54.47 | -0.10 |
CHF | 436.40 | 0.68 |