Արմինֆո. ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը հունիսի 27-ին ընդունել է Հայաստանի Հանրապետությունում Չեխիայի Հանրապետության արտակարգ և լիազոր դեսպան Պետր Միկիսկային։ Հանդիպմանը ներկա է եղել նաև «SUMEC GEOPOWER AG» ընկերության գլխավոր գործադիր տնօրեն Միխալ Հորաչեկին:
Ինչպես տեղեկացրել է նախարարության մամուլի ծառայությունը, քննարկվել են էներգետիկայի բնագավառում հայ-չեխական համագործակցությանը վերաբերող հարցեր: Այդ համատեքստում, կարևորվել են վերականգնվող էներգետիկայի ոլորտում համատեղ ծրագրերի իրականացման հնարավորություններն ու հեռանկարները: Նշվել է, որ «SUMEC GEOPOWER AG» ընկերությունը մտադրություն ունի Հայաստանում երկրաջերմային էլեկտրակայան կառուցելու:
Դեսպանը հավելել է, որ Չեխիան կարևորում է Հայաստանի հետ փոխշահավետ կապերի ամրապնդումը, և ընդգծել, որ կան լայն հնարավորություններ երկուստեք հետաքրքրություն ներկայացնող կարևորագույն ծրագրեր իրականացնել ու համար:
Հանդիպման ավարտին դեսպանը շնորհակալություն է հայտնել ջերմ ընդունելության համար և նշել, որ դեսպանությունը պատրաստակամ է իր առավելագույն ջանքերը գործադրել երկու երկրների համատեղ ծրագրերը կյանքի կոչելու համար:
RUB | 4.20 | -0.01 |
USD | 391.44 | -1.16 |
EUR | 416.84 | -1.20 |
GBP | 482.49 | -5.63 |
CAD | 285.29 | 0.20 |
JPY | 25.29 | -0.11 |
CNY | 54.04 | -0.18 |
CHF | 429.40 | -2.65 |