Արմինֆո. ՀՀ ֆինանսների նախարար Ատոմ Ջանջուղազյանն ընդունել է Հայաստանի Հանրապետությունում Ֆրանսիայի Հանրապետության արտակարգ և լիազոր դեսպան Ջոնաթան Լաքոտի գլխավորած պատվիրակությանը:
Ինչպես հաղորդում է Ֆինանսների նախարարության մամուլի ծառայությունը, հանդիպման ընթացքում կողմերը քննարկել են կարճաժամկետ և երկարաժամկետ հեռանկարում երկրի մակրոտնտեսական ռիսկերին, բարեփոխումների օրակարգին, կայուն հարկաբյուջետային միջավայրին, պետական պարտքի կառավարմանն, ինչպես նաև կուտակային կենսաթոշակային համակարգին, պետություն-մասնավոր հատված գործընկերության զարգացմանն ուղղված հարցեր: Վերջինիս մասով կարևորվել է փորձի և տեղեկատվության փոխանակումը, սեմինարների և աշխատաժողովների անցկացումը:
Ատոմ Ջանջուղազյանը բարձր է գնահատել Ֆրանսիայի հետ համագործակցությունը և հույս հայտնել, որ այն կնպաստի երկրի տնտեսության զարգացման լրացուցիչ հնարավորությունների ստեղծմանը: Անդրադարձ է կատարվել նաև երկու երկրների միջև առկա համագործակցությանն առնչվող և մի շարք այլ հարցերի:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |