Արմինֆո.Հարկային մարմինների կողմից տուգանված գազալցակայանների սեփականատերերի շարքում նշվում են այն ընկերությունները, որոնք պատկանում են Մհեր Սեդրակյանին, Վարդան Հարությունյանին (նախկին ՊԵԿ ղեկավար) և Գագիկ Ծառուկյանին: Այս մասին հուլիսի 13-ին հայտարարել է Հայաստանի Պետական եկամուտների կոմիտեի նախագահ Դավիթ Անանյանը:
Ըստ Անանյանի, ավելի վաղ հարկային ծառայությունը ստուգումներ էր անցկացրել մի շարք գազալցակայաններում: Արդյունքում 8 ընկերություններում հարկերից խուսափելու դեպքեր են հայտնաբերվել, իսկ չվճարված հարկերը կազմել են 946 մլն դրամ: Մասնավորապես, Սեդրակյանի ընկերությունն ունի ամենափոքր պարտքը`մոտ 15 մլն դրամ:
Խախտումների արդյունքում հարուցվել են քրեական գործեր: Սակայն, նա նշել է, որ եթե անբարեխիղճ հարկատուները վերականգնել պատճառված վնասը, ապա քրեական գործը կկարճվի: Միջազգային պրակտիկայում գոյութոյւն ունի հետևյալ սկզբունքը, որ չի կարելի բիզնեսը ենթարկել պատասխանատվության, կորցնելով պոտենցիալ հարկատուին: Ավելի լավ է գնահատել նրա վարքը և ուղղորդել ճիշտ ուղղությամբ», - նշել է նա:
