Արմինֆո. Բագրատաշենի մաքսատան պետի նկատմամբ, ով Լևոն Սարգսյանի («Ալրաղացի Լյովիկ՚) ազգականն է, նշանակվել է ծառայողական քննություն, որը պետք է պատասխան տա այն հարցին, թե արդյոք իրականությանը համապատասխանում է նրա կոռումպացվածության մասին տեղեկատվությունը: Հուլիսի 19-ին լրագրողների հետ զրույցում այդ մասին հայտարարել է ՊԵԿ նախագահ Դավիթ Անանյանը:
Նրա ասելով, Բագրատաշենի մաքսատան նորանշանակ ղեկավարը ոչ թե Լևոն Սարգսյանի քրոջ որդին է, այլ` հեռավոր ազգականը: «Մենք Արթուր Գասպարյանի անձնական գործով ծառայողական քննություն ենք սկսել ոչ թե նրա ազգակցական կապերի, այլ մեր աշխատակիցների հաղորդումների առնչությամբ, որոնք մտահոգություն են հայտնել նրա մասնագիտական պատրաստվածության մակարդակի և կոռուպցիոն ռիսկերի առնչությամբ: Հիմա կպարզենք, թե արդյոք այդ մտահոգությունը տեղին է՚, - հայտարարել է Անանյանը:
Անդրադառնալով այն ակնարկին, որ ՊԵԿ-ը բարձր պաշտոնների է նշանկաում ի սկզբանե «կասկածելի՚ անձանց, իսկ հետո նրանց նկատմամբ անցկացնում են ծառայողական քննություն, Անանյանը հայտարարել է. «Կարևոր չէ, թե ինչ որոշումներ ենք կայացնում, կարևորն այն է, թե արդյոք մենք մնում ենք մեր որոշումների գերին, թե` ոչ: Եթե մենք որոշում ենք կայացրել, և հետո տեսնում ենք որոշակի վնասներ, ապա կայացնում ենք հակառակ որոշում և ընթանում ենք առաջ՚: ՊԵԿ ղեկավարի հավաստմամբ, իր հիմնական մտահոգությունն առնչվում է ոչ թե կադրային նշանակումներին, այլ երկրի պետբյուջեի հարկային մոտքերի ապահովմանը` հարկային վարչարարության և հարկային ու մաքսային վերահսկողության իրականացման միջոցով: «Գնահատեք մեր աշխատանքի արդյունքը, այլ ոչ թե կադրային նշանակումները՚, - նշել է նա: ՊԵԿ նախագահի համոզմամբ, չի լինում այնպես, որ իր գլխավորած գերատեսչությունում աշխատեն «բացառապես մաքուր և հրեշտակի թևերով՚ մարդիկ: «Համակարգը պետք է մշտապես ինքնամաքրվի: Ոչ ոք ապահովագրված չէ սխալներից՚, - պարզաբանել է նա:
Հիշեցնենք որ ավելի վաղ ԶԼՄ-ներում տեղեկատվություն էր հայտնվել այն մաիսն, որ Արթուր Գասպարյանը, որն առավելապես հայտնի է որպես «Պիտուլ՚ և Լևոն Սարգսյանի զարմիկն է ՊԵԿ նախկին ղեկավարության հովանավորը, հեղափոխությունից հետո շարքային տեսուչից անմիջապես դարձել է Բագրատաշենի մաքսակետի պետ: ԶԼմ-ների հաղորդումների համաձայն, այժմ առանց կաշառքի այդ մաքսակետով հնարավոր չէ անցկացնել անգամ օրենքով թույլատրված ապրանքներ, և այդ կարգերը մաքսակետում վերականգնել է Արթուր Գասպարյանը: Մաքսատան աշխատակիցներն, իրենց հերթին, պնդում են, որ երբեք այդքան անգրագետ և կոռումպացված ղեկավար չեն ունեցել: Լրատվամիջոցների հաղորդումների համաձայն, ավելի վաղ Արթուր Գասպարյանի անունը շրջանառվել է կաշառակերության մասին քրեական գործի դրվագներով:
Հուլիսի 10-ին էլ Դավիթ Անանյանը հաղորդել էր, որ ծառայողական քննություն է նշանակվել գերատեսչության օպերատիվ-հետախուզման վարչության պետ Կարեն Կարապետյանի նկատմամբ` «չստուգված տեղեկատվությունը՚ ստուգելու նպատակով, միևնույն ժամանակ պնդելով, որ Կարեն Կարապետյանը պրոոֆեսիոնալ է որպես ՊԵԿ օպերատիվ-հետախուզման վարչության պետ:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%