Ուրբաթ, 20 Հուլիսի 2018 14:06

Արմինֆո.Հայաստանում տնտեսական ակտիվությունը 2018 թվականի առաջին կիսամյակում տարեկան կտրվածքով աճել է 8.9%: Այս տարվա հունիսին, նախորդ տարվա հունիսի համեմատ տնտեսական ակտիվությունն աճել է 9.6%, միայն 2018 թ. հունիսին`12.4%:

 

Ըստ ՀՀ Ազգային վիճակագրական ծառայության նախնական տվյալների, Հայաստանի տնտեսական ակտիվության աճին 2018 թվականի I կիսամյակում հիմնականում խթանել են`սպասարկման ոլորտը - 18.1%, շինարարության ոլորտը - 13,5%, առևտրի ոլորտը- 9.1%,   գյուղատնտեսության ոլորտը - 5.5%, արդյունաբերական հատվածը - 3.7%, էներգետիկ համալիրը - 1.5%:

 

Արդյունաբերական գների ինդեքսը 2018-ի I կիսամյակում տարեկան կտրվածքով աճել է 3.6%, 2018-ի հունիսին, 2017-ի հունիսի համեմատ`4,1%, իսկ միայն հունիսին`2.4%:

 

Ամսական կտրվածքով տնտեսական ակտիվության աճի վճռական խթան է հանդիսանել`գյուղատնտեսական ոլորտը - 3.2 անգամ, շինարարական ոլորտը - 17.6%, առևտրի ոլորտը – 3.8% և ծառայությունների ոլորտը - 8.4%: Արդյունաբերական հատվածում և էներգետիկ համալիրում 2018 թ. հունիսին տնտեսական ակտիվության աճը համապատասխանաբար կազմել է`5.8% և 7.8%:

 

Տարեկան կտրվածքով աճի տեմպերով առաջատարն է`սպասարկման ոլորտը`21.2%,  գյուղատնտեսության ոլորտը`14%, ինչպես նաև էներգետիկ համալիրը`10,9% և արդունաբերական հատվածը`5.6%, շինարարական հատվածը`4.2%, առևտրի ոլորտը` 3.3%:

 

Վիճակագրական տվյալների համաձայն, 2018 թվականի առաջին կիսամյակում բացարձակ ծավալներով առաջատարներն են` առևտրի ոլորտը - 1.3 տրիլիոն դրամ ($ 2.6 մլրդ), արդյունաբերական ոլորտը - 805,03 մլրդ ($ 1.7 մլրդ), ծառայությունների ոլորտը - 777.8 մլրդ դրամ ($ 1.6 մլրդ), գյուղատնտեսությունը - 269.7 մլրդ դրամ ($ 559,6 մլն), շինարարության ոլորտը - 127.8 մլրդ դրամ (265.1 մլն դոլար): 2018 թվականի առաջին կեսին արտադրված էլեկտրաէներգիայի ծավալը կազմել է 3852,8 մլն կՎտժ, իսկ միայն հունիսին`615,1 մլն կվտժամ:

 

Միևնույն ժամանակ, Հայաստանի արտաքին առևտրաշրջանառությունը 2018 թվականի առաջին կիսամյակում կազմել է 1675,7 մլրդ դրամ ($ 3,476.1 մլն), տարեկան աճը`28,9%: Դրա կառուցվածքում արտահանման ծավալը տարեկան կտրվածքով աճել է 20%, մինչև 561.6 մլրդ դրամ (1165.2 մլն դոլար), ներմուծման տարեկան աճը`33.9%, մինչև 1114.1 մլրդ դրամ (2310.9 մլն դոլար): Միայն 2018-ի հունիսին արտաքին առևտրի շրջանառությունը նվազել է 0,9%, այդ թվում, ներմուծման անկումը կազմել է 6,1%, իսկ արտահանման աճը` 11.1%, իսկ 2017-ի հունիսի համեմատ արտաքին առևտրի շրջանառության աճը կազմել է 15.7%, ներմուծումն աճել է 20.8%, արտահանումը`6.7%:

 

ՀՀ դրամի միջին հաշվարկային փոխարժեքը 2018 թվականի հունիսին կազմել է 482.62 դրամ / $ 1, իսկ առաջին կիսամյակում`482,04 դրամ / $ 1: