Կոնվերս Բանկը կաջակցի ֆինթեք ստարտ ափ-երի իրականացմանը

Արմինֆո.Հուլիսի 22-ին Սևանում մեկնարկեց «Սևան Սրատ ափ սամիթ-2018»-ը, որին Կոնվերս Բանկը մասնակցում է որպես հովանավոր և աջակից՝ միջոցառման մասնակիցներին ֆինանսական ծառայությունների մատուցման հարցում: Այդ մասին ԱրմԻնֆո-ին հայտնել են Բանկի մամուլի ծառայությունից:  

«Սամիթի օրերին դրամի կանխիկ շրջանառությունը տարածքում սահմանափակվելու է: Գործարքներ իրականացվելու են բացառապես վճարային քարտերով, ինչը ապահովելու համար  տաղավարներում տեղադրվել են Կոնվերս Բանկի POS տերմինալներ։ Մասնակիցները, միաժամանակ, կարող են վճարային քարտեր ստանալ Բանկի տաղավարում, իսկ լիցքավորել կամ վճարում իրականացնել Բանկի վճարային տերմինալներով»,- ասել է Կոնվերս Բանկի

Հատուկ նախագծերի զարգացման  ղեկավար Ստեփան Արզումանյանը:

Բացի այդ, Կոնվերս Բանկի նախաձեռնությամբ այս տարի կներկայացվեն նաև ֆինթեք ոլորտում ստարտ ափ-եր, որոնցից լավագույնը՝ մտահղացման իրականացման համար, ֆինանսական աջակցություն կստանա բանկից:

«Կոնվերս Բանկի մասնակցությունը «Սևան ստարտ ափ սամիթ»-ին պատահական չէ: Մենք կարևորում ենք նորարարական մտածելակերպը, նորարար լուծումների ներդրումը տնտեսության մեջ և վստահ ենք, որ նման մտածելակերպ ունեցող երիտասարդների շնորհիվ ունենալու ենք ավելի լավ ապագա: Այդ իսկ պատճառով էլ Բանկի աջակցությունը ստարտ ափ-երին այս նախաձեռնությանը մասնակցությամբ չի եզրափակվելու: Կոնվերս Բանկը  նախատեսում է մոտ ապագայում ներդրումներ կատարել այդ ոլորտում»,-  ասել է Կոնվերս Բանկի Գլխավոր Գործադիր տնօրեն Արթուր Հակոբյանը։

Մասնավորապես, նշվել է, որ Կոնվերս Բանկը պատրաստ է քննարկել ու իրականացնել առանձին նախագծեր ֆինթեք ընկերությունների հետ՝ ստեղծելով համատեղ պրոդուկտներ և ծառայություններ:

Նշենք, որ «Կոնվերս Բանկ՚ ՓԲԸ գործում է 1996 թվականից: Բանկի բաժնետերերն են` «Ըդվանսդ Գլոբալ Ինվեսթմենթսե ԷլԷլՍի (80,94%), «ՀայՓոստ Թրասթ Մենեջմենթե Բի. ՎԻ. Ընկերություն (14.06%) և Հայաստանյաց Առաքելական Սուրբ Եկեղեցի (5%):