Չորեքշաբթի, 8 Օգոստոսի 2018 13:11

Արմինֆո. Մմանրածախի մասնաբաժինը Հայաստանի ապահովագրական ընկերությունների պրեմիաների պորտֆելներում 2018 թվականի առաջին կիսամյակում կազմել է 44,7% (9.8 մլրդ դրամ), կորպորատիվ մասնաբաժինը`55.3% (12.2 մլրդ դրամ): Միևնույն ժամանակ, մանրածախ ապահովագրության տարեկան աճի տեմպն արագացրել է 2.7% -ից մինչև 6%, իսկ կորպորատիվ ապահովագրության տարեկան աճի տենպերը`8,5% -ից մինչև 58,2%:

 

Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, 2018 թվականի հուլիսի 1-ի դրությամբ կորպորատիվ ապահովագրության մասնաբաժինն սկսել է գերակշռել ապահովագրական ընկերությունների պորտֆելներում, բացառությամբ ՌԵՍՈ ընկերության, որի մոտ գերակշռում է մանրածախը, համապատասխանաբար 55,5% և 51.2% հարաբերակցությամբ: Մանրածախի և կորպորատիվի ամենամեծ անհամապատասխանությունը գրանցվել է ԻՆԳՈ Արմենիա ընկերությունում`36.6% և 63.4%: «Ռոսգոսստրախ Արմենիա» ընկերությունում մանրածախ ապահովագրության մասնաբաժինը կազմել է 45,5%, իսկ կորպորատիվինը`54,5%:

 

Ապահովագրական հատուցումների կառուցվածքում մանարածախի մասնաբաժինը կազմել է 66% կամ 7,1 մլրդ դրամ, կորպորատիվինը`34% կամ 3,7 մլրդ դրամ: Ընդ որում, իրավաբանական անձանց կատարված հատուցումների աճը կտրուկ արագացել է`7% -ից մինչև 55%, իսկ ֆիզիկական անձանց հատուցումները`23% - ից մինչև 26%:

 

Վերաապահովագրությանն ուղղված ապահովագրական պրեմիաների կառուցվածքում կորպորատիվի մասնաբաժինը կազմել է 91,2% կամ 2,1 մլրդ դրամ (տարեկան աճը դանդաղել է`34% -ից մինչև 13%), մանրածախի մասնաբաժինը`8.8% կամ 199,3 մլն դրամ (տարեկան աճի արագացումը`13% -ից մինչև 55%):

 

Հայաստանի ապահովագրողները 2018 թ. II եռամսյակում կնքել են 296.670 պայմանագիր, ինչը 17.4% -ով գերազանցում է նախորդ տարվա պայմանագրերի քանակը: Այսպիսով, 2018 թվականի հուլիսի 1-ի դրությամբ գործող ապահովագրության պայմանագրերի քանակը կազմել է 794212 պայմանագիր, տարեկան աճը`19.8%: Ապահովագրական դասերի ծավալներով առաջատարն է ԱՊՊԱ հատվածը - 191.4 հազար պայմանագիր II եռամսյակում, իսկ գործող պայմանագրերի թիվը հուլիսի 1-ին հասել է 470.1 հազարի: Բժշկական ապահովագրությունը, պարտադիր բաղադրիչի փուլային ներդրման շնորհիվ, դուրս է եկել երկրորդ տեղ, քանի որ հուլիսի 1-ին գործող պայմանագրերի թիվը կազմել է  50.4 հազար պայմանագիր, իսկ միայն երկրորդ եռամսյակում`2.2 հազար պայմանագիր: Հատկանշական է, որ գործող պայմանագրերի ամենամեծ աճն արձանագրել է բժշկական ապահովագրությունը`5.2 անգամ: Իսկ կամավոր ապահովագրության տեսակներից առավել պահանջվածն է դժբախտ պատահարներից ապահովագրությունը, որով երկրորդ եռամսյակում կնքվել է 59,2 հազար պայմանագիր, իսկ գործող պայմանագրերի թիվը հուլիսի 1-ին հասել է 179.7 հազարի:

 

ԱՊՊԱ պայմանագրերի քանակով առաջատարն է «Ռոսգոսստրախ Արմենիա» ընկերությունը (հուլիսի 1-ի դրությամբ 124,5 հազար գործող, որից 47.5 հազարը կնքված է II եռամսյակում), որն առաջին տեղում է նաև բժշկական և արտասահման մեկնոսների ապահովագրության դասերով (համապատասխանաբար`29,8 հազար և 5.1 հազ. գործող հուլիսի 1-ին): Դժբախտ պատահարներից ապահովագրության գծով առաջին հորիզոնականում է «ԻՆԳՈ Արմենիան» (84.7 հազ. գործող, որից 31.9 հազար`II եռամսյակում), ԿԱՍԿՈ հատվածում առաջատարն է «ՌԵՍՈ» ընկերությունը (2.4 հազար հուլիսի 1-ով), գույքի ապահովագրության գծով առաջատարն է «ԻՆԳՈ Արմենիան» (հուլիսի 1-ին`ուժի 21,6 հազար գործող պայմանագիր):

 

2018 թվականի II եռամսյակում կնքված պայմանագրերի թվով առաջատարն է ԻՆԳՈ ԱՐՄԵՆԻԱ ընկերությունը`78.7 հազար, որին հաջորդում են`«Ռոսգոսստրախ Արմենիա» - ավելի քան 74 հազար, Նաիրի Ինշուրանս - 58.9 հազար, ՌԵՍՈ - 29.4 հազար, Սիլ Ինշուրանս - 29 հազար, «Արմենիա Ինշուրանս» - 26.6 հազար պայմանագիր: Բոլոր վեց ընկերությունների մոտ գերիշխում է ԱՊՊԱ-ն, այդ թվում, առավելագույնը`Սիլ Ինշուրանսի մոտ (89%), իսկ նվազագույնը`ԻՆԳՈ Արմենիայի մոտ (43%):

 

2018-ի II եռամսյակում կնքված պայմանագրերով ԱՊՊԱ մասնաբաժինը կազմել է 64.5%, բժշկական ապահովագրության մասնաբաժինը`0.7%: Իսկ 2018 թվականի հուլիսի 1-ի դրությամբ գործող պայմանագրերի կառուցվածքում ԱՊՊԱ մասնաբաժինը կազմել է 59,2%, բժշկական ապահովագրության մասնաբաժինը`6,3%:

 

Նշենք, որ Հայաստանի ապահովագրական շուկայում ներկայումս գործում է 6 ընկերություն, որոնք աշխատում են ապահովագրական 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: Ապահովագրական 16 դասերի լիցենզիա ունի «ԻՆԳՈ Արմենիա» ընկերությունը (միակն է, որ զբաղվում է ջրային տրանսպորտի ապահովագրութամբ), որին լիցենզավորման դասերի թվով հաջորդում է «Ռոսգոսստրախ Արմենիա»-ն` ապահովագրության 15 դաս (միակն է վարկային ռիսկերի ապահովագրության ոլորտում): (ՀՀ դրամի միջին հաշվարկային փոխարժեքը 30.06.2018 թ. կազմել է 482.24 դրամ/դոլար):