ՎՏԲ -Հայաստան Բանկը Վանաձորի Պետական համալսարանի լավագույն ուսանողի համար սահմանել է անվանական կրթաթոշակ 

Արմինֆո.ՎՏԲ-Հայաստան Բանկն իր սոցիալական պատասխանատվության քաղաքականության շրջանակներում նախատեսում է կրթության ոլորտում անցկացնել հերթական բարեգործական նախագիծը, որը նպատակաուղղված է պետության բարձրագույն ուսումնական հաստատությունների ուսանողներին մոտիվացնել ուսման մեջ ավելի բարձր ցուցանիշների ցուցաբերմանը:

Ինչպես տեղեկացրել է Բանկի մամուլի ծառայությունը, 2018 թվականի ուսումնական տարվա սկզբին ՎՏԲ-Հայաստան Բանկն ուսման վարձի ողջ չափերով անվանական կրթաթոշակ կտրամադրի Վանաձորի Թումանյանի անվան պետական համալսարանի «Կառավարում» մասնագիտությամբ սովորող 4-րդ կուրսի ուսանողին, ով ուսումնառության նախկին տարիներին ցուցաբերել է բարձր առաջադիմություն: Այսպիսով, համալսարանի մեկ ուսանող հնարավորություն կստանա անվճար ուսանելու ողջ ուսումնական տարվա ընթաքում:

Կրթաթոշակից բացի, Վանաձորի Թումանյանի անվան պետական համալսարանի լավագույն ուսանողին հնարավորություն կընձեռվի համալսարանն ավարտելուց հետո պրակտիկան անցնել ՎՏԲ-Հայաստան Բանկում, որի արդյունքների հիման վրա, համապատասխան թափուր աշխատատեղերի առկայության դեպքում, կարող է առաջնահերթության սկզբունքով նաև հիմնական աշխատանքի անցնել ՎՏԲ-Հայաստան Բանկում:

Կրթությունը Բանկի սոցիալական պատասխանատվության քաղաքականության առաջնհերթ ուղղություններից է: Բանկը շարունակական հիմունքներով աջակցում է կրթական հաստատություններին, ֆինանսավորում է Հայաստանում կրթության մակարդակի բարձրացմանն ուղղված կրթական տարբեր ցուցահանդեսներին և ֆորումներին:

Հիշեցնենք, որ «ՎՏԲ-Հայաստան Բանկե ՓԲԸ ՎՏԲ միջազգային ֆինանսական խմբի մասնակից է դարձել 2004թ, ապրիլին: «ՎՏԲ Բանկե ՀԲԸ հանդիսանում է «ՎՏԲ-Հայաստան Բանկե ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ: