Polymetal International plc- ը հայտարարել է 2018 թվականի առաջին կիսամյակի ֆինանսական արդյունքների մասին

Արմինֆո. Polymetal International plc ընկերությունների խումբը երեկ հայտարարել է 2018 թվականի առաջին կիսամյակի ֆինանսական արդյունքների մասին: Ըստ ԱրմԻնֆո գործակալությանն ուղղված պաշտոնական մամլո հաղորդագրության, 2018 թվականի I կիսամյակում մուտքերը տարեկան կտրվածքով ավելացել են 16%, մինչև $ 789 մլն, հիմնականում ոսկու համարժեքի արտադրության աճի հաշվին, 11% գերազանցելով նախորդ տարվա ցուցանիշը: Ոսկու վաճառքի ծավալը կազմել է 445 հազար ունցիա, նախորդ տարվա նույն ժամանակահատվածի համեմատ աճելով 17%, իսկ արծաթի վաճառքի ծավալը նվազել է 2% և կազմել 12,1 մլն ունցիա, ինչը համապատասխանում է արտադրության դինամիկային:

Ոսկու և արծաթի իրացման միջիիմ գներն, ընդհանուր առմամբ, համապատասխանել են շուկայական գների դինամիկային, քանի որ ոսկու իրացման գինը նախորդ տարվա նույն ժամանակահատվածի համեմատ աճել է 6%, իսկ արծաթի իրացման գինն իջել է 4%:

Մեկ ունցիա ոսկու համարժեքի դրամական ծախսերը 2018 թվականի առաջին կիսամյակում կազմել են 683 դոլար, 2017-ի առաջին կիսամյակի համեմատ աճելով 4%, ինչը համապատասխանում է Ընկերության կանխատեսմանը, որը պետք է կազմի 650-700 դոլար մեկ ունցիա ոսկու համարժեքի համար: Ընդհանուր դրամական ծախսերը կազմել են 893 դոլար`մեկ ոսկու համարժեքի համար, նախորդ տարվա նույն ժամանակահատվածի համեմատ նվազելով 1%: Ակնկալվում է, որ երկու ցուցանիշներն էլ II կիսամյակում կնվազեն, արտադրության և վաճառքի սեզոնային աճի շնորհիվ, հիմնականում Մայսկիում և Սվետլիում:

Ճշգրտված EBITDA-ն կազմել է 305 մլն դոլար, մեկ տարում ավելանալով 19%, հիմնականում մետաղների արտադրության և գների աճի հաշվին: Ճշգրտված EBITDA-ով  մարժան աճել է`1%, մինչև 39% (2017 թվականի առաջին կեսին`38%):

Զուտ շահույթը կազմել է 175 մլն  դոլար, 2017 թվականի առաջին կիսամյակի 120 մլն դոլարի համեմատ, ինչը պայմանավորված է EBITDA- ի աճով: Ճշգրտված զուտ եկամուտն ավելացել է 32%, մինչև 155 մլն դոլար (2017 թվականի առաջին կեսին`117 մլն դոլար):

2018 թ. մայիսին վճարվել են 2017-ի հերթական շահաբաժինները, մեկ բաժնետոմսի դիմաց  0.30 ԱՄՆ դոլարի չափով (ընդհանուր առմամբ`136 մլն դոլար): Համաձայն շահութաբաժնային քաղաքականության, տնօրենների խորհուրդն առաջարկել է 2018 թվականի առաջին կիսամյակի համար շահաբաժինները վճարել մեկ բաժնետոմսերի դիմաց 0,17 դոլարի չափով (2017-ի I կիսամյակում`0,14 դոլար), ինչը կազմում է ճշգրտված զուտ շահույթի 50%-ը, զուտ պարտքի և ճշգրտված EBITDA-ի հարաբերակցության շեմը նախատեսվածից 2,5 անգամ ցածր պահելու դեպքում:

Զուտ պարտքը նշված ժամանակահատվածում աճել է մինչև 1 652 մլն դոլար (2017-ի դեկտեմբերի 31-ի դրությամբ`1 420 մլն դոլար), ինչը պայմանավորված է շրջանառու կապիտալի սեզոնային աճով: Զուտ պարտքի և ճշգրտված EBITDA-ի հարաբերակցությունն անցած 12 ամիսների ընթացքում կազմել է 2,08 անգամ: Ազատ դրամական հոսքերն ավանդաբար բարձր կլինեն II կիսամյակում, արտադրության աճի և շրջանառու կապիտալի ակնկալվող սեզոնային կրճատման հաշվին:

Պոլիմետալը հաստատում է 2018 թվականի արտադրական պլանը`1.55 միլիոն ունցիա ոսկու համարժեքի ծավալով: Ակնկալվում է, որ դրամական և ընդհանուր ծախսերը համապատասխանաբար կկազմեն`650-700 դոլար ոսկու համարժեքի մեկ ունցիայի համար և 875-925 դոլար ոսկու համարժեքի մեկ ունցիայի դիմաց: Իրական ծախսերը կախված կլինեն ԱՄՆ դոլարի նկատմամբ ռուբլու փոխարժեքի դինամիկայից, ինչն զգալի կերպով ազդում է Խմբի գործառնական ծախսերի վրա`արտահայտված ռուբլիով:

«Առաջին կիսամյակում Polymetal- ը զգալի շահույթ ստացավ գերազանց գործառնական արդյունքների ֆոնին», - ասել է Խմբի ղեկավար Վիտալի Նեզիսը: - Երկրորդ կիսամյակում մենք ակնկալում ենք արտադրության աճ և ազատ դրամական հոսքերի զգալի աճ: Մենք կշարունակենք աշխատել զարգացման ծրագրերի պորտֆելի վրա, այդ թվում, Կիզիլը լիարժեք արտադրողականության հասցնելու ուղղոթյամբ, մեր բաժնետերերի համար ապահովելով շահութաբաժինների զգալի եկամտաբերություն»:

Հիշեցնենք, որ «Պոլիմետալ» ընկերությունը Հայաստանում իր գործունեությունն սկսել է 2015 թվականին` Սյունիքի մարզի հարավում Լիճքվազ-Թեյի բազմամետաղային հանքավայրի ձեռք բերմամբ: Ընկերությունը հանքաքարը վերամշակում է Կապանի լեռնահարստացման կոմբինատում, որը ձեռք է բերել 2016 թվականի ապրիլին:

 Այս ֆինանսական հաշվետվության համաձայն, այս տարվա առաջին կիսամյակում եկամուտը Կապանում կազմել է 29 մլն դոլար, նախորդ տարվա նույն ժամանակահատվածի 20 մլն դոլարի համեմատ, ավելանալով 45%: Կապանից իրացման ծավալը կազմել է 24 հազար ունցիա ոսկու համարժեք, ինչը 42% գերազանցում է նախորդ տարվա առաջին կիսամյակի արդյունքը: Զեկույցում նշվում է, որ Կապանի դրամական ծախսերը կազմել են 919 ԱՄՆ դոլար ոսկու համարժեքի մեկ ունցիայի դիմաց, նախորդ տարվա նույն ժամանակահատվածի համեմատ ավելանալով 16%, իսկ նախորդ կիսամյակի համեմատ`2%: Ծախսերի աճը պայմանավորված է ոսկու պարունակության իջեցումով, կապված արդյունահանման`մեխանիկական մեթոդից ավտոմատացվածին անցնելու հետ, ելնելով անվտանգության նկատառումներից, ինչը հանգեցրեց հանքանյութի աղքատացման ավելացմանը:

Ճշգրտված EBITDA Կապանի հանքավայրում հաշվետու ժամանակահատվածում ավելացել է 14%, իսկ միջինը`7-ից մինչև 8 մլն.դոլար: Կապիտալի ծախսերը Կապանում նվազել են`13 - ից 3 մլն.դոլար, ինչը պայմանավորված է տեխնիկայի նորացման ավարտի հետ հանքավայրում:

«Պոլիմետալ»-ն աշխարհի խոշորագույն առաջնային արծաթ արտադրողներից է, հանդիսանում է Ռուսաստանի ոսկի հանքարդյունահանող առաջատար երեք ընկերություններից մեկը: Այն իրականացնում է թանկարժեք մետաղների արդյունահանում, ինչպես նաև երկրաբանական հետազոտություններ Ռուսաստանում, Ղազախստանում և Հայաստանում:  Պոլիմետալն ինքնուրույն իրականացնում է հանքավայրերիշահագործումը, սկսած երկրաբանական ուսումնասիրությունից մինչև շահագործում: Ռազմավարության առանցքային տարրը վերամշակման կենտրոնների ստեղծումն է (hubs), որոնք հնարավորություն են տալիս առավել արդյունավետ և պատասխանատու օգտագործել ֆինանսական և մարդկային ռեսուրսները, նպաստել ներդրված կապիտալի եկամտաբերության աճին: 2011-ի նոյեմբերին Պոլիմետալը, առաջինը ռուսական ընկերություններից, պրեմիում ցուցակում անցավ Լոնդոնի ֆոնդային բորսայում (թիքքեր POLY):