Արմինֆո. Հայաստանում աշխատակցի բժշկական ապահովագրության համար, հնարավոր է, վճարեն գործատուները: Այդ մասին «Ազատությունե ռադիոկայանի ֆեյսբուքյան ասուլիսի ընթացքում հայտարարել է առողջապահության նախարար Արսեն Թորոսյանը: Ըստ որում, ինչպես նշել է նախարարը, ամեն ինչ կախված կլինի բժշկական ապահովագրության ներդրման ընտրված մոդելից:
Նախարարի խոսքով, այսօր ինքը չի կարող նշել համակարգի ներդրման ժամկետները, բայց ցույց կտա անցումային ճանապարհը: Ներկայումս ոլորտի համար պատասխանատուների կողմից քննարկվող տարբերակների համաձայն՝ ակնկալվում է, որ համատարած բժշկական ապահովագրությունն ուժի մեջ կմտնի այն բանից հետ միայն, երբ Հայաստանի բավարար քանակությամբ քաղաքացիներ ձեռքում ունենան պետության հաշվին տրամադրված համապատասխան պոլիս: Եվ միայն այն բանից հետո, երբ պետությունը կհավաստիանա համակարգի <աշխատունակության> մեջ, այն կներդրվի բոլորի համար:
Միաժամանակ, ինչպես ընդգծել է Արսեն Թորոսյանը, ինքը զերծ կմնար համակարգը <պարտադիր> անվանելուց: Նախարարն ավելի ճիշտ է համարում օգտագործել «համատարած, համապարփակ բժշկական ապահովագրությունե-ը, այսինքն՝ երբ բոլորն ունեն բուժօգնություն ստանալու երաշխիք:
Բացի այդ, ինչպես նշել է առողջապահության նախարարը, այսօր մշակվում է նախագիծը, համաձայն որի՝ գործատոները կվճարեն աշխատակիցների բժշկական հետազոտության համար: Նշենք, որ ընթացիկ տարվա մայիսի 17-ին առողջապահության նորանշանակ նապխարար Արսեն Թորոսյանը, պատասխանելով ԱրմԻնֆո-ի հարցին, կասկած էր հայտնել, որ նույնիսկ մինչև 2020 թվականը հնարավոր կլինի երկրում ներդնել պարտադիր բժշկական ապահովագրությունը: Նրա խոսքերով, համակարգի ներդրման համար դեռ շատ անելիքներ կան: Նախ, սոցփաթեթը պետք է ընդգրկի բնակչության առավել խոցելի խավերին`612 հազար մարդ, որին հետո պետք է միանան զինվորակաների ընտանիքները: Եվ միայն դրանից հետո, ուսումնասիրությունների արդյունքների հիման վրա, հնարավոր է որոշել ՊԲԱ ներդրումը: Բացի այդ, նախարարը նշել է, որ անհրաժեշտ է մտածել բուժսպասարկման պատշաճ որակի ապահովման ուղղությամբ, որպեսզի երկրի քաղաքացիներն իմանան, թե ինչի համար են վճարում: Մինչդեռ, ավելի վաղ հաղորդվել էր, որ սոցփաթեթը 2018-ի երկրորդ կեսից կտարածվի առավել խոցելի շերտերի վրա, իսկ հետո`մնացածի վրա: Միակ տեղեկությունը, որ նախարարությունը հայտնել էր, այն է, պարտադիր բժշկական ապահովագրության պոլիսի ամսական արժեքը կկազմի 6 հազար դրամ: Բայց չաշխատող քաղաքացիների, ինչպես նաև կենսաթոշակառուների և երեխաների հարցը մնում է բաց, քանի որ բյուջեն ի վիճակի չէ իր վրա վերցնել լրացուցիչ բեռ:
2017 թվականի հոկտեմբերի 1-ից Հայաստանում սկսվեց պարտադիր բժշկական ապահովագրության փուլային ներդրման գործընթացը, որի առաջին փուլի շահառուներն են պետական ծառայողները:
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները