Հացահատիկի առաքման այլընտրանքային ճանապարհը կհանգեցնի 1 կգ-ի դիմաց մինչև 25 դրամ գների բարձրացմանը

Արմինֆո. Ամենա հոռետեսական կանխատեսումներով, վրաց գործընկերներից դեպի Հայաստան հացահատկի երկաթուղային առաքման գների նկատմամբ զեղչեր չստանալու դեպքում, 1 կգ գինը կբարձրանա 25 դրամով: Այս մասին օգոստոսի 31-ին լրագրողներին հայտնել է ՀՀ  գյուղատնտեսության նախարար Արթուր Խաչատրյանը:

Նրա խոսքով, Վրաստանն ունի իր սահմանափակումները բացատրել է այն հանգամանքով, որ մեծ բեռնատարները Վերին Լարսում առաջացնում են գերբնակվածություն: Հետևաբար, վրացական կողմն առաջարկել է բեռնափոխադրումները Փոթիի նավահանգստի իրականացնել երկաթուղով:

Ներկայումս, ըստ նախարարի, բանակցություններ են ընթանում Հայաստանի և Վրաստանի համապատասխան գերատեսչությունների միջև, երկաթուղային փոխադրումների որոշակի զեղչեր ստանալու առումով, որպեսզի մեղմվի հացահատիկի և այլուրի վերջնական գնի բացասական ազդեցությունը Հայաստանում:

Թե որքանով կթանկանա հացը, հնարավոր կլինի ասել, միայն հաշվի առնելով զեղչի չափը: «Եթե զեղչը լինի զգալի, ապա հնարավոր է, որ ոչ մի թանկացում չլինի, հակառակ դեպքում, ըստ որոշ գնահատականների, գները կարող են աճել մինչև 25 դրամով», - ասել է Խաչատրյանը: Անդրադառնալով խոսակցություններին, որ Հայաստանը պետք է մտածի հացահատիկի դառնալ ինքնաբավ երկիր, Արթուր Խաչատրյանը նշել է, որ նման խնդիր դրված չէ: «Ինչու պետք է Հայաստանը հացահատիկի առումով դառնա ինքնաբավ երկիր: Եթե մասնավորը կանգնած է երկընտրանքի առջև`աճեցնել հացահատիկ, կամ ավելի բարձր կուլտուրա, իհարկե, նա կընտրի կուլտուրան, ինչը նրան խոստանում է ավելի մեծ շահութաբերություն», - պարզաբանել է նա: Հացահատիկի օպտիմալ ցանքատարածքներ կարող են դառնալ, ըստ Խաչատրյանի, անմշակ տարածքները, որոնք, սակայն, ունեն ոռոգման խնդիրներ: