Արմինֆո.«Հայաստանի Հանրապետությունում ագրոպարենային ոլորտի սարքավորումների ֆինանսական վարձակալության` լիզինգի պետական աջակցությանե ծրագրին միացել են նաև «ԱՐՄՍՎԻՍԲԱՆԿե, «ԿՈՆՎԵՐՍԲԱՆԿե ՓԲԸ-ները և «ՀԱՅԷԿՈՆՈՄԲԱՆԿե ԲԲԸ-ն:
Հիշեցնենք, որ սկզբնապես ծրագրի շրջանակում համագործակցության հուշագրեր էին ստորագրվել «ԱԳԲԱ Լիզինգե ՎԿ-ի, «Հայաստանի զարգացման և ներդրումների կորպորացիաե ՈՒՎԿ-ի (նախկին՝ «ՓՄՁ ներդրումներե ՈՒՎԿ ՓԲԸ) և «Քարդ ԱգրոԿրեդիտե ՈՒՎԿ ՓԲԸ-ի հետ։
Ծրագրի շրջանակներում տնտեսավարողները հնարավորություն ունեն լիզինգի պայմանագրով ձեռք բերել սարքավորումներ հետևյալ ոլորտներում՝ անասնաբուծություն, այդ թվում՝ տավարաբուծություն, ոչխարաբուծություն, խոզաբուծություն, թռչնաբուծություն, մեղվաբուծություն, ձկնաբուծություն, արդյունագործական գազանաբուծություն; բուսաբուծություն, այդ թվում՝ ջերմոցային տնտեսություն; սառնարանային տնտեսություն, այդ թվում` կաթի մթերման կայաններ; թարմ պտուղբանջարեղենի և հատիկաընդեղենի տեսակավորման, փաթեթավորման ու հատիկաընդեղենի զտման գործունեություն; սպանդանոցային տնտեսություն; ագրովերամշակող արդյունաբերություն; ագրոպարենային ոլորտի այլ գործունեություն:
Lիզինգը տրամադրվում է դրամով, մինչև 8 տարի ներառյալ մարման ժամկետով, տարեկան մինչև 11 տոկոս տոկոսադրույքով, որի մինչև 7 տոկոսային կետը սուբսիդավորում է պետությունը, որպեսզի լիզինգառուի կողմից վճարվող տարեկան տոկոսադրույքը կազմի 4 տոկոս: Lիզինգառուն վճարում է լիզինգի առարկայի արժեքի 20 տոկոսի չափով կանխավճար։ Հավելենք, որ ծրագիրը բաց է բոլոր ֆինանսական կազմակերպությունների համար։
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |