Արմինֆո.Սեպտեմբերի 11-ին հերթական նիստում Ազգային ժողովը վավերացրել է Հայաստանի և Սինգապուրի կառավարությունների միջև օդային հաղորդակցության շուրրջ համաձայնագիրը:
Տրանսպորտի, կապի և տեղեկատվական տեխնոլոգիաների փոխնախարար Արմեն Փամբուքչյանի ասելով, փաստաթուղթը կնպաստի ավիացիայի բնագավառում միջպետական հարաբերությունների պատշաճ իրավական կարգավորմանը, կապահովի անհրաժեշտ իրավական հիմք և կանխատեսելի պայմաններ ավիաընկերությունների աշխատանքի համար: Համաձայնագիրը նաև ենթադրում է անհրաժեշտ պայմաններ ստեղծելու պարտավորություններ երկու կողմերի ավիաընկերությունների միջև անսահմանափակ առևտրային գործունեության իրականացման համար:
Նույն օրը խորհրդարանը վավերացրել է օդային հաղորդակցության շուրջ հայ-տաջիկական համաձայնագիրը, որը թույլ կտա աշխուժացնել առևտրատնտեսական հարաբերությունները Կենտրոնական Ասիայի այդ երկրի հետ, կնպաստի գործարար կապերի և զբոսաշրջության զարգացմանը:
