Արմինֆո.Ազգային ժողովը սեպտեմբերի 11-ի նիստում վավերացրել է ՀՀ կառավարության և ՄԱԿ պարենի և գյուղատնտեսության կազմակերպության միջև համաձայնագիրը:
Հայաստանի գյուղնախարար Արթուր Խաչատրյանի ասելով, փաստաթղթի վավերացումը թույլ կտա իրագործել գյուղատնտեսության ոլորտում նախանշված համատեղ ծրագրերը: Բացի այդ, հնարավորություն կլինի լուծել լոգիստիկային առնչվող որոշ խնդիրներ: Մասնավորապես, հայկական կողմը տարածք կտրամադրի, սատարելով կազմակերպության մասնակիցներին, որպեսզի նրանց համար ավելի հեշտ լինի մուտք գործել Հայաստան և անարգել բեռներ փոխադրել: Բացի այդ, Հայաստանը կառույցին կօգնի տեղական մասնագետների ընտրության և հարկային պարտավորությունների կատարման գործում:
