Արմինֆո. Երևանի «Արմենալ» գործարանի արտադրանքը կարող է կրկին վերադառնալ ամերիկյան շուկա: ԱՄՆ ֆինանսների նախարարության օտարերկրյա ներդրումային վերահսկողություն վարչությունը (OFAC), հայտարարել է, որ ԱՄՆ քաղաքացիները և նրանց գործընկերները կարող են համաձայնագրեր կնքել Օլեգ Դերիպասկային պատկանող ՌՈՒՍԱԼ ընկերության հետ, որին պատկանում է նաև հայկական «Արմենալ» ընկերությունը:
Սակայն, ըստ «Կոմերսանտ» թերթի, թույլտվությունը գործում է միայն այն ընկերությունների համար, որոնք արդեն մի քանի տարի է ապրանքներ և ծառայություններ են ձեռք բերում ՌՈՒՍԱԼ-ից, ԳԱԶ խմբից, կամ Դերիպասկայի մյուս ընկերություններից, ինչպես նաև նրանց տրևամադրել են տեխնիկական սպասարկում, հաղորդում է OFAC-ը:
ԱրմԻնֆո-ի վերլուծաբանների կարծիքով, այդ որոշումը Ռուսալի դուստր ընկերությանը`Երևան «Արմենալ» գործարանին թույլ կտա վերսկսել փայլաթիթեղի արտահանումը դեպի ԱՄՆ, որը կասեցվել էր այս տարվա կեսերին, Օլեգ Դերիպասկայի նկատմամբ կիրառվող պատժամիջոցների հետևանքով: «Արմենալ» -ը պատրաստի արտադրանքի խոշորագույն արտահանողն է ոչ միայն դեպի ԱՄՆ, այլ նաև դեպի Եվրամիության երկրներ: 2017 թվականին միայն դեպի ԱՄՆ հայկական փայլաթիթեղի արտահանման հասույթը կազմել է մոտ 47,2 մլն դոլար:
RUB | 4.26 | 0.00 |
USD | 387.73 | -0.19 |
EUR | 417.55 | -0.28 |
GBP | 486.33 | -1.48 |
CAD | 283.43 | -0.24 |
JPY | 25.10 | -0.12 |
CNY | 53.72 | -0.10 |
CHF | 427.39 | -0.92 |