Արմինֆո.Եվրասիական տնտեսական միության երկրների փոխվարչապետներն ստորագրել են ֆինանսական ոլորտի անդամ պետությունների օրենսդրության ներդաշնակեցման համաձայնագիր:
Ինչպես հայտնում է Եվրասիական տնտեսական հանձնաժողովի մամլո ծառայությունը, համաձայնագրի ուժի մեջ մտնելուց հետո 9 ամսվա ընթացքում կողմերը ԵՏԽ- ի հետ համատեղ մշակելու են «ճանապարհային քարտեզը»`ֆինանսական ոլորտում ազգային օրենսդրությամբ սահմանված նորմերի համադրման նպատակով:
Համաձայնագիրը սահմանում է բանկային, ապահովագրական և արժեթղթերի ծառայությունների ոլորտներում միջազգային սկզբունքների և ստանդարտների հիման վրա ԵԱՏՄ երկրների օրենսդրությունների ներդաշնակեցման ուղղությունները և ընթացակարգը: Փաստաթուղթն անհրաժեշտ է Միության երկրներում միասնական ֆինանսական շուկա ստեղծելու, ինչպես նաև լիցենզիաների փոխադարձ ճանաչման համար: Ազգային նորմերի կոնվերգենցիայի գործընթացը պետք է ավարտվի մինչև 2025 թվականը:
Սեպտեմբերի 17-ին ԵԱՏՄ անդամ պետությունների կենտրոնական (ազգային) բանկերի ղեկավարները ՀՀ Կենտրոնական բանկում ստորագրեցին ֆինանսական ոլորտում օրենսդրության ներդաշնակեցման մասին համաձայնագիր:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |