Արմինֆո.Աշխատանքային այցով Փարիզում գտնվող Հանրապետության նախագահ Արմեն Սարգսյանը հանդիպում է ունեցել ֆրանսիական հանրահայտ «Դասո» (“Dassault”) ընկերության ղեկավար Օլիվիեր Դասոյի հետ։
Ինչպես տեղեկացրել է ՀՀ նախագահի մամուլի ծառայությունը, կողմերը պայմանավորվածություն են ձեռք բերել համատեղ գործակցության կոնկրետ ծրագրի վերաբերյալ, որի մանրամասները կքննարկվեն և կներկայացվեն առաջիկա շաբաթների ընթացքում։
Նշենք, որ «Dassault» ինքնաթիռ արտադրող ընկերություն է և հիմնադրվել է 1929 թվականին Մարսել Դասոյի կողմից: Ընկերությունում աշխատում է 11942 մարդ, այդ թվում`9315-ը Ֆրանսիայում, այն ներկայացված է 80 երկրների շուկաներում: «Dassault» - ի գործունեության առանցքային ոլորտը օդանավաշինությունն է: 1945 թվականից ի վեր արտադրվել են 8 հազար ինքնաթիռ, այդ թվում նաև ռազմական: Ընկերության գործունեության ուղեծիրը ներառում է նաը տիեզերական գործունեությունը, հեռահաղորդակցման տեղակայանքների տեղադրումը, արբանյակների, օդանավերի սպասարկումը, աէրոտիեզերական պաշտպանության համակարգերի զարգացումը: Հիմնական գործունեությունը բիզնես-կլասի ռեակտիվ ինքնաթիռների արտահանումն է: Այս ոլորտում Dassault- ն զբաղեցնում է համաշխարհային շուկայի 29% -ը:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |