Արմինֆո. Նյու Յորքում վարչապետ Նիկոլ Փաշինյանն աշխատանքային նախաճաշ է ունեցել էլեկտրաէներգիայի արտադրությամբ զբաղվող «Կոնտուր Գլոբալ» միջազգային ընկերության գործադիր տնօրեն Ժոզեֆ Բրանդտի հետ:
Ինչպես տեղեկացրել է ՀՀ կառավարության մամուլի ծառայությունը, զրուցակիցները քննարկել են Հայաստանում գործունեություն ծավալող «Կոնտուր գլոբալ հիդրո կասկադ» ընկերության գրասենյակի գործունեության արդյունքները և մեր երկրում մինչ այժմ ամերիկյան ամենախոշոր ներդրումն իրականացրած «Կոնտուր Գլոբալ»-ի ներդրումային աշխատանքները: Կողմերը կարևորել են երկկողմ արդյունավետ համագործակցությունը և առաջիկայում նախատեսված ծրագրերի իրականացումը:
Հիշեցնենք, որ 2015 թվականի օգոստոսի 12-ին Ամերիկյան «Կոնտուր Գլոբալ» ընկերությունը գնեց Որոտանի կասկադը, որը բաղկացած է երեք ՀԷԿ-երից, 405 ՄՎտ ընդհանուր հզորությամբ, որը գտնվում է Որոտան գետի հարավային մասում:
Որոտանի կասկադի հիդրոէլեկտրակայանների մասնաբաժինը Հայաստանի էներգետիկ համակարգի կողմից արտադրված էլեկտրաէներգիայի ծավալներում կազմում է շուրջ 15%: Այն էլեկտրաէներգիայով է ապահովում է 250 հազար բնակարանների և մասնավոր տնտեսությունների:
Վեց տարիների ընթացքում Ընկերությունը պարտավորվել է 50 մլն եվրո ներդնել հիդրոէլեկտրակայանների արդիականացման նախագծին, բարելավելու համար կայանների շահագործման անվտանգությունը, հուսալիությունը և արդյունավետությունը:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |