Արմինֆո. Երեկ Արարատբանկում առաջին անգամ անցկացվել է հիփոթեքային երեկո, որի ընթացքում մեկ հարթակում հանդիպեցին Հայաստանի հիփոթեքային շուկայի մասնակիցները, սկսած պոտենցիալ վարկառուներից և վերջացրած անշարժ գույքի կառուցապատողներով:
«Մենք որոշեցինք ստեղծել մի հարթակ, որտեղ մենք կարող ենք միավորել հիփոթեքային շուկայի մասնագետներին, կառուցապատողներին, միջնորդ կազմակերպություններին, պոտենցիալ գնորդներին: Արարատբանկն ունի Հայաստանի հիփոթեքային շուկայի ֆինանսավորման բոլոր գործիքները», - հայտարարել է Արարատբանկի Վարչության նախագահ- գործադիր տնօրեն Աշոտ Օսիպյանը:
Նա ընդգծել է, որ այս նախաձեռնությունն ուղղված է քաղաքացիների իրազեկվածության բարձրացմանը, որոնք այսօր առաջարկում է բանկը: Ընդ որում, ինչպես նշել է Արարատբանկի ղեկավարը, հիփոթեքի երեկոյի ընթացքում պոտենցիալ վարկառուներին հնարավորություն կընձեռվի մեկ հարթակում ստանալ իրենց բոլոր հարցերի պատասխանները և տեսնել իրենց երազանքի տունը:
Միջոցառմանը ներկա էին 9 կառուցապատող ընկերություններ և մոտ 15 անշարժ գույքի գործակալություններ: «Արարատբանկն այն բանկն է, որը ձևավորում է մշակույթ: Դուք տեսնում եք, որ այսօրվա միջոցառման նկատմամբ կա մեծ հետաքրքրություն, ինչպես քաղաքացիների, այնպես էլ կառուցապատողների կողմից, որոնցից շատերը բանկի գործընկերներ չեն: Վստահ եմ, որ հիփոթեքային երեկոն կդառնա ավանդական: Մասնավորապես, մենք նախատեսում ենք այն անցկացնել տարին երկու անգամ, իսկ հետագայում կկարողանանք անցնել էլեկտրոնային հարթակին», - ասել է Ա.Ասիպյանը:
Նա տեղեկացրել է, որ ներկայումս Արարատբանկի հիփոթեքային պորտֆելը գերազանցում 17 մլրդ դրամը, վարկառուների թիվը կազմում է մոտ 1500 մարդ, վարկավորման տոկոսադրույքները տատանվում են 8-13% սահմաններում, իսկ մարման ժամկետը կազմում է մինչև 25 տարի: Պատասխանելով ԱրմԻնֆո-ի հարցին, Օսիպյանը նշել է, որ մինչև այս տարվա վերջը Բանկը մտադիր է մեծացնել իր հիփոթեքային պորտֆելը և հասցնել 20 մլրդ դրամի, նոր նախագծերի և վարկառուների հաշվին: «Հիմա բանկը քննարկում է նոր դիմումներ: Մենք շատ պահպանողական ենք դրանց վերլուծության հարցում, բայց հույս ունեմ, որ մենք կկարողանանք գտնել իրենց գործընկերներին», - ասել է բանկիրը:
Ինչպես նշել է Ա.Օսիպյանը, այսօր Արարատբանկը ֆինանսավորում է առաջնային և երկրորդային շուկաները, վարկավորում կապիտալի շուկան: Բանկի նոր հիփոթեքային պրոդուկտը`ֆիզիկական անձանց համար շենքերի կառուցումը, ըստ նրա, արդեն իսկ մեծ պահանջարկ ունի: «Ավելին, Արարատբանկի հիփոթեքային վարկերի շրջանակներում հաճախորդների համար գործում է մարման 2-3 տարի արտոնյալ ժամկետը: Միևնույն ժամանակ, հաճախորդը հիփոթեքային պայմանագրի գործողության ընթացքում նույն պայմաններով կարող է օգտվել Բանկի այլ սպառողական պրոդուկտներից», - պարզաբանել է նա:
«Լինելով Հայաստանի հիփոթեքային շուկայի առաջատար բանկերից մեկը, մենք կողմնորոշված ենք դեպի հաճախորդները, և նրանցից յուրաքանչյուրի համար պատրաստ ենք ձևավորել համապատասխան ֆինանսավորում», - ասել է Ա. Օսիպյանը, ընդգծելով, որ վերջին 5 տարիների ընթացքում Արարատբանկը գործում է «պատասխանատու ֆինանսավորում» կարգախոսի ներքո:
Հիփոթեքային երեկոյի մասնակիցներից մեկն էր նաև «Բարս» անշարժ գույքի գործակալությունը: ԱրմԻնֆո գործակալության հետ զրույցում գործակալության տնօրեն Մարինա Չատինյանը նշել է, որ Արարատբանկի հետ բազմամյա համագործակցության շրջանակներում բանկի կողմից ապահովվում է գործակալությունների բացառիկ շենքերի վաճառքի ֆինանսավորումը: «Ես շատ գոհ եմ Արարատբանկի աշխատանքից, առաջին տարին չէ, որ համագործակցում ենք: Ինչպես վարկառուների սպասարկման, այնպես էլ առաջարկվող պայմանների առումով, գտնում եմ, որ Արարատբանկը նխաստում է Հայաստանի հիփոթեքային շուկայի զարգացմանը», - ասել է նա:
Հիպոթեկային երեկոյի գրանցված բոլորը մասնակիցներին խոստացվել է հիփոթեքի տոկոսադրույքները 1 տոկոսային կետով ցածր տոկոսադրույքեր, քան այսօր գործում է Բանկում:
Ըստ ԱրմԻնֆո գործակալության` Հայաստանի բանկերի ֆինանսական վարկանիշի 2018 թվականի հուլիսի 1-ի տվյալների, Արարատբանկն իր հիփոթեքնի ծավալներով գտնվում է առաջատար հնգյակում, 16.7 մլրդ դրամ ($ 34.6 մլն) ծավալով, տարեկան աճը`4,8%: Բանկի ընդհանուր վարկային պորտֆելում հիփոթեքի մասնաբաժինը կազմել է 13%, իսկ շուկայում`7.4%:
Հիշեցնենք, որ «ԱՐԱՐԱՏԲԱՆԿ» ԲԲԸ-ն գործում է 2005 թվականի նոյեմբերից: 2018 թվականի ապրիլի 1-ի դրությամբ ԱՐԱՐԱՏԲԱՆԿ-ի մեծամասնական բաժնետերերն են`«Ֆլեշ» ընկերությունը - 72.73%, Բարսեղ Բեգլարյանը - 18,33%, Rural Impulse Fund II (բելգիական Incofin Investment Management - Incofin IM - Incofin IM անդամ) - 8.58%:-