2018 թվականի առաջին 9 ամիսների ընթացքում «Պոլիմետալը» Կապանի ԼՀԿ-ում վերամշակել է 470 հազար տոննա հանքաքար

Արմինֆո. «Polymetal International plc» ընկերությունների խմբի մաս կազմող Կապանի լեռնահարստացման կոմբինատը 2018 թվականի առաջին 9 ամիսներին վերամշակել է 470 հազար տոննա հանքաքար, նախորդ տարվա նույն ժամանակահատվածի 389 հազար տոննայի փոխարեն: Միայն 3-րդ եռամսյակում արդյունահանման ծավալը կազմել է 158 հազար տոննա, նախորդ տարվա նույն ժամանակահատվածի 143 հազար տոննայի փոխարեն: Այս մասին է նշվում  ընկերության կողմից այս տարվա երրորդ եռամսյակի արդյունքների վերաբերյալ հրապարակված զեկույցում:

Զեկույցի համաձայն, երրորդ եռամսյակում 159 հազար տոննա հանքաքար է արդյունահանվել, նախորդ տարվա նույն ժամանակահատվածի 136 հազար տոննայի դիմաց: Առաջին 9 ամիսների ընթացքում արտադրանքի ծավալը կազմել է 470 հազար տոննա, ինչը 22% -ով գերազանցում է նախորդ տարվա երեք եռամսյակների ցուցանիշը:

Երրորդ եռամսյակի վերջում մեկ տոննայի հանքաքարի ոսկու պարունակությունը կազմել է 1,9 գրամ, ինչը 4% -ով ցածր է 2017 թվականի երրորդ եռամսյակի արդյունքներից, արծաթի պարունակությունը կազմել է 28 գրամ (-20%), պղնձինը`0.25% (-6%) և ցինկի պարունակությունը` 1.30% (-2%):

Միևնույն ժամանակ ոսկու արդյունահանման ցուցանիշը կազմել է 80.0% (-6%), արծաթինը`82.1% (+ 1%), պղնձինը` 94.4% (+ 2%) և ցինկինը` 84.6% (-7%): Արդյունքում, III եռամսյակում ոսկու արդյունահանումը կազմել է 5.9 հազար ունցիա (տարվա 9 ամիսների ընթացքում`20.0 հազար ունցիա), արծաթինը` 0.1 մլն ունց (0.3 մլն ունցիա), պղնձինը`0.3 հազ. տոննա (1.1 հազ. տոննա) և ցինկի արդյունահանումը`1,4 հազ. տոննա (4,3 հազ. տոննա):

Զեկույցում նշված է, որ Կապանի ԼՀԿ-ում ոսկու արդյունահանումը 3-րդ եռամսյակում նախորդ տարվա նույն ժամանակահատվածի համեմատ նվազել է 13%, կապված նախնական պարունակության և կորզման հետ: Հանքավայրի վերին հորիզոնները, որոնք ունեն հարուստ պարունակություն, դեռևս անհասանելի են անվտանգության խնդիրների պատճառով: Հանքաքարի արտադրությանը ծավալը շարունակել է աճել, պայմանավորված ստորգետնյա հանքավայրի շահագործման բարելավման միջոցառումների իրականացման դրական արդյունքների շնորհիվ, մասնավորապես, այն բանից հետո, երբ հանքավակրի անձնակազմն ամբողջությամբ անցավ մեխանիզացված հորատման: Արդյունահանման ծավալներն աճեցին արտադրության ծավալների աճի հետ կապված:

Ընկերության տվյալներով, Խմբի առումով, 2018 թվականի 3-րդ եռամսյակում Polymetal-ն արտադրել է 447 հազար ունցիա ոսկու համարժեք, ինչը 5% -ով պակաս է նախորդ տարվա նույն ժամանակահատվածի ցուցանիշից, քանի որ տարեսկզբից արտադրված խտանյութի զգալի ծավալները (36 հազար ունցիա Կիզիլում) և (34 հազ. Ունցիա Մայսկիում) կտեղափոխվեն և կհաշվառվեն IV եռամսյակում: Ոսկում եռամսյակային արտադրությունը կազմել է 356 հազար ունցիա, 2017 թվականի երրորդ եռամսյակի համեմատ նվազելով 4%, իսկ արծաթի արտադրությունը նվազել է 10% -ով, մինչև 6,7 մլն ունցիա: Արտադրության ծավալը 2018 թվականի առաջին 9 ամիսներին կազմել է 1066 հազար ունցիա ոսկու համարժեք, ինչը 4% -ով գերազանցում է նախորդ տարվա ցուցանիշը և համապատասխանում է արտադրական պլանին:

Երրորդ եռամսյակում հասույթը նախորդ տարվա նույն ժամանակահատվածի համեմատ նվազել է 16%, մինչև 459 մլն դոլար, մետաղի գների ճշգրտման և վաճառքի ծավալների նվազումով պայմանավորված, խտանյութի ձևով շրջանառու միջոցների կուտակման պատճառով: Ոսկու վաճառքը կազմել են 321 հազար ունցիա, արծաթինը`5.3 մլն ունցիա:

Պոլիմետալը, ամենայն հավանականությամբ, կգերազանցի 2018 թվականի արտադրական պլանը 50 հազար ունցիայով, մինչև 1.55 մլն ունցիա ոսկու համարժեք: Ընկերությունը հաստատում է 2019 թվականի արտադրության պլանը`1.7 մլն ունցիայի չափով, իսկ 2020 թվականի համար`1.8 մլն ունցիայի չափով, ինչպես նաև նշում է, որ արտադրական պլանը կարող է վերանայվել ոչ հիմնական ակտիվների վաճառքի դեպքում: «Մենք «Կիզիլը» կանոնավոր կերպով և արագորեն դուրս բերեցինք լիակատար արտադրության, - ասում է «Պոլիմետրալ խմբի» գլխավոր գործադիր տնօրեն Վիտալի Նեզիսը: -Մեր մյուս ակտիվներն էլ ցույց տվեցին կայուն արդյունքներ, ինչը լավ հնարավորություն է տալիս գերակատարել այս տարվա արտադրական պլանը»:

Հիշեցնենք, որ «Պոլիմետալ» ընկերությունը Հայաստանում իր գործունեությունն սկսել է 2015 թվականին` Սյունիքի մարզի հարավում Լիճքվազ-Թեյի բազմամետաղային հանքավայրի ձեռք բերմամբ: Ընկերությունը հանքաքարը վերամշակում է Կապանի լեռնահարստացման կոմբինատում, որը ձեռք է բերել 2016 թվականի ապրիլին: Գործարանը ներառում է ստորգետնյա հանքավայրը, գործարանի վերամշակող ֆլոտացիոն և ենթակառուցվածքային օբյեկտները:

«Պոլիմետալ»-ն աշխարհի խոշորագույն առաջնային արծաթ արտադրողներից է, հանդիսանում է Ռուսաստանի ոսկի հանքարդյունահանող առաջատար երեք ընկերություններից մեկը: Այն իրականացնում է թանկարժեք մետաղների արդյունահանում, ինչպես նաև երկրաբանական հետազոտություններ Ռուսաստանում, Ղազախստանում և Հայաստանում:  Պոլիմետալն ինքնուրույն իրականացնում է հանքավայրերիշահագործումը, սկսած երկրաբանական ուսումնասիրությունից մինչև շահագործում: Ռազմավարության առանցքային տարրը վերամշակման կենտրոնների ստեղծումն է (hubs), որոնք հնարավորություն են տալիս առավել արդյունավետ և պատասխանատու օգտագործել ֆինանսական և մարդկային ռեսուրսները, նպաստել ներդրված կապիտալի եկամտաբերության աճին: 2011-ի նոյեմբերին Պոլիմետալը, առաջինը ռուսական ընկերություններից, պրեմիում ցուցակում անցավ Լոնդոնի ֆոնդային բորսայում (թիքքեր POLY):